Tempotimor (Dili)-Prezidente Partidu CNRT, Kay Rala Xanana Gusmão, komesa bolu atensaun ba Timoroan hotu atu hakbesik-an ba postu vasina hodi simu vasina atubele salava-an husi moras covid-19.

Tempotimor (Dili)-Ministru Ensinu Superior Sienéia Kultura (MESSK), Longuinos dos Santos hatete, reativa aula prezensial sei depende ba professór no estudante simu vasina to’o pursentu ualunulu (80%).

Tempotimor (Dili)-Ministru Prezidénsia Konsellu Ministru, Fidélis Leite Magalhães hatete, governu dadaun ne’e buka hela vasina ba sidadaun sira tinan 18 mai kraik.

Tempotimor (Dili)-Ministru Edukasaun Juventude Desportu (MEJD), Armindo Maia hatete, Ministériu Edukasaun sei reativa aula prezinsial ba estudante sira iha fulan-jullu tinan 2021, tanba sei hein persentajen profesór sira simu vasina.

“Ita mós haree eskola sira ne'ebé persentajen profesór sira vasina barak ona entaun ita sei reativa, no horseik (21/06) foin reuniaun sei halo preparasaun, no ita espera iha meiados de Jullu eskola sira ne'ebé iha kondisaun bele reativa”, dehan Armindo Maia, iha Sentru Konvensaun Dili, tersa (22/06).

Maske nune’e eskola hothotu ne'e la'ós atu reativa, maibé ida-ida ba ba sira ne'ebé iha kondisaun ona atu bele reativa.

Tanba ne’e, husu ba estudante sira ho idade 18 ba leten, profesór nomós funsionáriu sira, inklui inan aman sira atu tuir vasina nune'e bele reativa filafali eskola ne'ebé taka tanba Covid-19.

"Hakarak apela ba mestre sira funsionáriu, alin oan estudante sira ne'ebé tinan 18 ba leten atu hothotu ba tuir vasina inklui mós inan aman atu nune'e ita bele loke filafali eskola sira ne'ebé durante ne'e ita taka tanba Covid-19, se ita hothotu ba tuir vasina mak ita sei loke ita-nia eskola lalais liu”, afirma nia.

Maibé sei esforsu hotu atubele fó kondisaun, nune'e eskola hothotu bele loke filafali, maibé husu nafatin ba hothotu atubele tuir vasina nune'e bele reativa lalais eskola.

Ba sira ne'ebé lakohi tuir vasina Ministériu sei foti medida tanba sirkular husi MEJD fó sai katak profesór no funsionáriu sira obrigatóriu.

"Sirkular sai tiha ona husi MEJD katak ba funsionáriu profesór sira ne'e obrigatóriu tenke tuir vasinasaun, maibé ba sira ne'ebé seidauk depois lai ba, maibé Ministériu sei foti medidas”, dehan nia. (*)

Tempotimor (Dili)-Governu liuhusi Ministériu Saúde (MS) aloka orsamentu ho montante hamutuk millaun US$16 ba vasinasaun iha Timor-Leste.

Tempotimor (Dili)-Primeiru Ministru (PM), Taur Matan Ruak, hamaus komunidade iha Postu administrativu Ataúro, atu simu vasina no ignora Informasaun sira ne’ebé espalla iha mídia sosiál fecebook.

"Iha tempu badak ha'u hatene Ataúro sei komesa programa vasinasaun. Entaun, ha'u husu ba ita-boot sira partisipa. Ita-boot sira labele rona fali ema ko’alia iha facebook, iha fatfatin, dehan moras laiha, vasina la di'ak, lalika fiar ida ne'e", deklara PM Taur iha inaugurasaun postu seguransa UPM, Akrema-Ataúro, sesta (11/06).

Tanba ne’e, husu ba populasaun sira iha Ataúro  atu fó fiar de'it ba autoridade médiku sira, koopera ho sira, tanba nasaun tomak ninia esforsu primeiru, mak salva ema nia vida atu ema labele mate.

"Karik mate, destinu, mais labele mate tanba ita baruk, lakohi atu tau matan. Entaun, salva vida, salva ita-nia ekonómia, normaliza ita-nia moris, ne'e importante loos. Ita kontente tanba dadaun ne'e, iha Dili, númeru komesa tun maka’as. Mais ita seidauk manán, nia (virus covid-19) sei iha, moras ne'e sei la'o hela”, hatete nia.

Entretantu, progresu kazu infetadu Covid19 iha Timor-Leste atu atinje rihun-8, ema mate besik na"in-19 ona, tanba ne'e governu buka esforsu atu nune'e moras imvizível Covid-19 labele atrapalla dezenvolvimentu ekonómiku.

"Entaun, dalan para ida ne'e bele akontese para impede ida ne'e, primeiru mak vasina”, afirma nia. (*)

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo deklara, sidadaun ne'ebé simu ona vacina doze daruak bele ona halo movimentu livre sai husi serka sanitária, la presiza hetan karta autorizasaun husi Sentru Integradu Jestaun ba Krize (SIJK).

Tempotimor (Dili)-Ministra Saúde (MS), Odete Maria Freitas Belo hatete, sidadaun ne’ebé simu vasina dozes dala-2 la garante atu bele livre husi regra prevensaun Covid-19. 

Tempotimor (Dili)-Governu liuhusi Ministériu Saúde (MS) fó sai aban, loron kinta (10/06) sei halo lansamentu Vasina ba faze daruak nian hodi kompleta doze dala-rua, ba sidadaun sira ne'ebé simu ona vasina iha doze dahuluk.

Tempotimor (Díli)-Konsellu Ministru (KM) liuhusi reiuniaun kuarta (09/06) ko’alia oinsá atu ezije Funsionáriu Públiku (FP) sira sai ezemplu ba komunidade sira hodi simu vasina hafoin tama servisu.