"Informa mós ba populasaun tomak katak, ema ne’ebé simu ona vasina doze daruak hasoru virus SARS-CoV-2-naran vacina ida husi hirak ne’ebé rekoñesidu husi Organizasaun Mundiál Saúde (OMS) bele ona sirkula livremente tama ka sai serka sanitária, no la presiza hetan autorizasaun esepsionál husi Diretor Centro Integrado Gestão de Crises", dehan Rui liuhusi komunikadu imprensa, sesta (11/06).
Maibé. Sidadaun ne’ebé detetatu pozitivu, wainhira rekuperadu bele simu vasina doze dahuluk ka doze daruak no laiha kontra-indikasaun médika.
"Lo’os duni, iha sertifikadu alta husi izolamentu, hakerek informasaun hanesan tuir mai ne’e ‘Ema ne’ebé rekuperadu, di’ak-liu hein to’o máximu fulan 6 (neen) sura husi loron alta, mak foin simu vasina’ informasaun ida ne’e fó sai baze ba númeru vasina ne’ebé seidauk sufisiente atu kobre populasaun hotu”, esplika nia.
Maibé, tamba agora iha númeru vasina ne’ebé boot, ema hotu rekuperadu husi moras Covid-19, wainhira hakarak simu ona vasina, bele hakbesik ba postu vasina ne’ebé besik, atu simu vasina. (*)