Login to your account

Username *
Password *
Remember Me

Tempotimor (Dili)-Governu liuhusi Primeiru Ministru (PM), Taur Matan Ruak, deside sei normaliza situasaun iha rai laran, bainhira programa Kampaña Nasionál ba Vasinasaun kontra Covid-19 to’o ona pursentu hitunolu (70%), tanba ne'e husu Ministériu relevante sira aselera.

Tempotimor (Dili)-Diretór Forum Organizasuan Naun Governamentál Timor-Leste (FONGTIL), Daniel Santos do Carmo hatete, komunidade sira durante ne’e barak sei menus koñesimentu ba regra prevensaun Covid-19.

Tempotimor (Dili)-Portavóz Komisaun Interministeriál ba Vasina Kontra Covid-19, Danina Coelho informa, populasaun Timor-Leste (TL) dadaun ne’e iha pursentu 41,2 (41,2%) hahú simu ona vasina doze dahuluk.  

“Entermus nasionál, ita iha kobertura 41,2 pursentu (41,2%), iha populasaun ne'ebé mak elejível mai husi 18 anos iha Timor-Leste laran tomak mak simu ona vasina ba primeira doze, no segundu doze Timor-Leste tomak iha ona 14,3 pursentu”, dehan Danina Coelho, iha salaun MSSI, Kaikoli, sesta (06/08).

Hafoin governu lansa Kampaña Vasina ba Munisípiu Bobonaru ho forma intensiva ne'e, progresu vasinasaun hahú iha mudansa tanba populasaun iha munisípiu ne'e komesa hola konsiénsia hakat ba Sentru Saúde no Klínika sira hodi simu vasina.

“Notísia di'ak tebtebes, katak ita kuandu avansa iha Bobonaru, dia 02 de agusto ne'e, Bobonaru ninia kobertura ita hasa'e kapás, Bobonaru naton iha menus quee 20 pursentu (20%), hanesan ho munisípiu sira seluk, e ita komesa iha dia 02 to'o ohin (06/08), Bobonaru iha ona mós pursentu 25 (25%) de kobertura. Quer dizer que 25 pursentu (25%) husi ninia populasaun mós vasina ona”, informa nia.

Aleinde ne'e, iha Munisípiu Covalima, atinje ona pursentu 50-resin, Rejiaun Administrativa Espesiál Oekussi Ambeno (RAEOA) ho pursentu 41 (41%), tanba iha estratéjia ida ne'ebé bele haree ona ninia rezultadu di'ak.

Enkuantu, persentajen vasina iha kapitál Dili atinje ona pursentu 67,6  tanba populasaun barak mak hela iha Munsípiu refere.

“Munisipiu sira ne'ebé mak hamutuk hotu ho Dili ohin ha'u ko’alia ona ne'e, e atu realsa iha ne'e, munisípiu rua ne'ebé mak nia kobertura liu ona 50 pursentu (50%) mak Covalima ho Vikeké. Purtantu, sira iha ona kobertura ne'ebé mak di'ak tebtebes”, dehan nia.

Tuir planu, iha loron kinta (12/08), Governu sei lansa tan kampaña vasina Covid-19 iha Munisípiu Baukau, ho doze hamutuk rihun-50, tanba ema idade elejível sira hamutuk na'in-rihun-50 mak seidauk partisipa iha vasina Kontra Covid-19. (*)

Tempotimor (Díli)-Diretór Forum Organizasaun Naun Governamentál Timor-Leste (FONGTIL), Daniel do Carmo hatete, populasaun iha pursentu 45 (45%) mak simu vasina, tanba hakarak movimentu livre iha situasaun pandemia Covid-19 nia laran.

Tempotimor (Dili)-Prezidente Parlamentu Nasionál (PN), Aniceto Longuinhos Guteres Lopes deklara, nia xparte kompleta ona vasina ba doze daruak nian, maibé prontu simu vasina ba dalatoluk nia, tanba lakoi mate ba covid-19.

Tempotimor (Dili)-Governu liuhusi Ministériu Saúde (MS) hamutuk ho liña interministérial sira ba kombate surtu Covid-19 nian hahú diskute no halo preparasaun ba sosa vasina Pfizer, nune'e bele vasina labarik sira ho idade tinan 12 to'o 17.

“Imi hatene katak, to'o agora ita sei nafatin hala'o hela kampaña ita-nia vasinasaun nian, prontu vasinasaun ba adultu sira ita kontinua halo ho vasina AstraZeneca nomós vasina Sinovac e agora dadauk ami ko’alia hela oinsá mak atubele hetan asesu vasina ba labarik sira ou ema ne'ebé mak idade husi 12 anus to'o menus husi 18 anus”, dehan Ministra Saúde (MS), Odete Maria Freitas Belo, iha salaun MSSI, Kaikoli, tersa (03/08).

Tanba ne’e, halo aprezentasaun kona-ba planu no preparasaun husi ekipa téknika sira-nian molok aprezenta ba komisaun interministeriál hodi halo apresiasaun hafoin implementa vasina ba labarik sira.

“Ikus liu ita hakarak mós informa preparasaun ida ne'e ba konsellu ministru. Prontu, felizmente ohin korum ne'e la to'o, entaun ami aprezenta, e espera katak segunda-feira ami sei halo aprezentasaun dala-ida tan, e hafoin ida ne'e ita bele aprezenta iha Konsellu Ministrus”, afirma Odete.

Dadaun ne'e, MS nia ekipa téknika sira halo ona preparasaun ba sosa vasina, inklui mós sosa arkar frigorífiku sira, ka jeleira sira ne'ebé mak atu tau vasina Pfizer.

MS mós tau orsamentu iha fundu Covid-19 nian hodi prepara ba sosa vasina, maibé tanba difat iha ona akordu ida ho UNICEF atu apoiu orsamentu ho montante rihun UA$8,1 hodi sosa vasina AstraZeneca.

“Maibé, hanesan ohin ha'u dehan ne'e katak, ho apoiu ne'ebé mak iha ne'e, AstraZeneca bele ona kobre ba ita-nia ema adultu sira. Entaun, orsamentu ida ne'e ami propoin karik bele mós uza atubele sosa vasina Pfizer ne'ebé mak seidauk bele kobre ho Covax Facility ninian remesa ne'ebé mak mai. Orsamentu ida ne'e la'ós uza ba sosa vasina de'it, maibé sosa mós konsumiveis sira hanesan boxes, seringa”, informa nia.

Tuir dadus, labarik ho idade tinan 12 to'o 17 hamutuk ema na'in-rihun 150 mak sei simu vasina Pfizer ne'ebé governu prepara.

“Entaun, ita simu uluk, husi Covax Facility sei haruka uluk sein mill seis centus e vinte (100.620) mai ita, entaun ita administra uluk ba labarik ho númeru 40 to'o 50 atu nune'e, sira bele fó oportunidade ba doze segundu. Tanba ita seidauk iha serteza ba kompra ba, tanba 100 mill ita kobre de'it metade husi labarik sira ne'ebé mak tuir ita-nia estimasaun. Agora, restante ne'e ita tenke sosa e orsamentu ne'e ha'u hanoin ita sei la foti husi ita-nia orsamentu”, esplika nia. (*)

Tempotimor (Dili)-Membru Polísia Nasionál Timor-Leste (PNTL) iha Komandu Munisípiu Dili hamutuk ema na’in-400-resin simu ona vasina Covid-19.

Tempotimor (Dili)-Bankada Congresso Nacionál de Reconstrução de Timor (CNRT) iha Parlamentu Nasionál (PN) kestiona maka’as ho desizaun obrigatóriu Governu ne’ebé haruka idozu sira simu subsídiu tenkke vasina uluk.

Tempotimor (Dili)-Kampaña Vasinasaun ne'ebé hahú husi loron 7 fulan-abríl to'o loron 23 fulan-Juñu tinan 2021, iha Munisípiu Dili sidadaun hamutuk ema na’in-107,609  mak simu ona vasina.

Tempotimor (Dili)-Ministra Saúde (MS), Odete Maria Freitas Belo hatete, governu nasaun Federal Austrália sei kontinua apoiu vasina pursentu 80 (80%) ba Timor-Leste hodi bele fasilita sidadaun tuir vasina.
"Ita ko'alia liliu kona-ba pursentu 80 (80%) oinsá mak atu hetan iha kompromisu husi governu Austrália nian ne'ebé mak kompremete atu apoiu Vasina ba 80% ba ita-nia populasaun 80% orsamentu la fó diretamente ba ita maibé liu husi akordu ida entre Austrália UNICEF”, dehan MS Odete Maria Freitas Belo iha Palacio do Governo Kuarta
Tanba ne’e, UNICEF mak halo prosesu atu tama iha nia komunidade 80% ne'ebé mak sei hein hela Vasina refere.
Apoiu ne'ebé Austrália fó osan montante millaun AU$8.1, kuaze millaun US$6.1 hodi sosa vasina.
"Kompras Vasina ida ne'e nia folin sei halo hela negosiasaun ho fábrika sira mak bele haree nia foli ne'e hahú husi dólar 2 to'o dólar 20 ba kada doze ou Imunizasuan, oito até 20 dolláres ita mós sira ho kustu operasionál sira”, esplika nia.
Entaun Vasina ne'ebé mak atu hetan porvolta 200.000 doze to'o 600.000 doze entaun halo nia média ida hetan de'it 300.000 ka 400.000 doze.
Nune'e Ministériu Saúde oras ne'e aloka hela ba nasuan Xina, husi orsamentu fundu Covid-19 nian hamutuk millaun 16 iha ne'ebá uza Millaun 13 hodi kompara Vasina.
Iha millaun 4 resin prepara atu transporta Vasina bainhira sosa mesak nomós kustu operasionál sira seluk ne’ebé presiza atu trata. (*)

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter