Tempotimor (Dili)-Partidu KHUNTO ne'ebé lidera husi Naimori iha posibilidade boot atu hamutuk nafatin ho partidu CNRT hodi forma governu foun, maske durante ne'e deputadu bankada KHUNTO deklara arrepende ho koligasaun Aliansa Mudansa ba Progresu (AMP) ne'ebé forma hamutuk ho CNRT no PLP.

Maske seidauk iha desizaun ofisial husi partidu KHUNTO, maibé deputadu Bankada KHUNTO Luis Roberto fiar katak KHUNTO sei halo koligasaun ho CNRT hodi forma governu foun.

"Sim, ha'u fiar katak desizaun ne'ebé sei mosu hanesan ne'e (koliga ho CNRT), maske desizaun koletivu intermus partidu politiku, maibé ha'u fiar katak ninia intensaun sei halai ba ne'ebá (koliga ho CNRT)", dehan Roberto bainhira hataan pergunta jornalista sira kona-ba pozisaun KHUNTO atu hamutuk ho CNRT forma governu foun, iha PN, Sesta (21/02).

Deputadu ne'e afirma, KHUNTO nia intensaun sei ba partidu CNRT, tanba hotu-hotu akompaña Konsileiru KHUNTO Jose Naimori Bucar ninia estetmentu ne'ebé fó sai iha media.

Membru Konsellu Politika Nasionál KHUNTO ne'e dehan, nia parte halo ona movimentu no kontaktu ona partidu politiku sira ne'ebé asentu iha PN.

"Partidu ne'ebé hetan ona kontaktu mak PD, PLP, CNRT, FRETILIN no UDT/FM no hasoru malu tiha ona ho partidu hirak ne'e, kolia ba malu hodi kria situasaun ne'ebé di'ak par hakotu impase politika."

Maske PLP deklara ona lakohi koliga ho CNRT, maibé KHUNTO nafatin iha opsaun atu mantein ezistensia Aliansa Mudansa ba Progresu.

"Ami iha opsaun rua se bele mantein nafatin AMP hodi halo re-estrutura i ida fali mak kria fali governu foun hodi hadia estrutura iha laran, maibé inklui hotu partidu sira seluk iha laran," dehan nia.

Tempotimor (Dili) - Partidu Libertasaun Populár (PLP) laiha ona interese atu hasoru Partidu Congresso Nacional Reconstrução Timor-Leste CNRT hodi buka solusaun ba impase atuál.

Tempotimor (Dili) - Partidu Demokrátiku (PD) sei hasoru ho Partidu FRETILIN no Partidu Congresso Nacional Reconstrução Timor-Leste (CNRT) hodi ko'alia kona-ba movimentasaun partidu polítiku ne'ebé hetan asentu parlamentár.

Tempotimor (Dili) - Akademista Universidade Nasionál Timor Lorosa'e (UNTL), Camilo Ximenes, konsidera lider koligasaun bloku Aliansa Mudansa ba Progresu (AMP) la onestu, sira taka infomasaun ba malu hodi nonook de'it no lakon komunikasaun hodi fiar liu lai anin ne'ebe hamosu deskonfiansa .

Tempotimor (Dili) - Xefe Estadu Maiór Jenerál FALINTIL-FDTL husu ba partidu polítika sira atu halakon ambisaun, nune'e hahú buka-malu forma koligasaun hodi hakotu impase polítika ne'ebé akontese.

Tempotimor (Dili) - Partidu Klibur Haburas Unidade Nasionál Timor Oan (KHUNTO) prontu halo koligasaun hodi forma governu foun, nune'e bele hakotu lalais impase polítika.

Tempotimor (Dili) - Deputada Bankada Partidu Klibur Haburas Unidade Nasionál Timor Oan (KHUNTO), Olinda Guterres, fiar katak lider istóriku sira sempre kontaktu-malu bainhira mosu problema iha rai-laran.

Tempotimor (Dili) - Prezidente Repúblika, Francisco Guterres Lú Olo, reafirma katak, konvite ne'ebé haruka ba lider nasionál sira ne'e ho intensaun ko'alia kona-ba vida nasaun nian.

Tempotimor (Dili) - Diálogu entre lider nasionál sira loke espasu ba partidu polítiku (parpol) ne'ebé hetan asentu parlamentár atu buka-malu hodi hamosu koligasaun ba formasaun governu foun.

Tempotimor (Dili) - Bankada Parlamentár Partidu FRETILIN kestiona makaas hahalok Prezidente Partidu Congresso Nacional Reconstrução Timor-Leste (CNRT), Kay Rala Xanana Gusmão, ne'ebé ignora diálogu ba solusiona impase polítika.

Vise-Prezidente Bankada FRETILIN, Francisco Miranda Branco hateten, hahalok Xanana nian la'ós primeira-vés. Maibé halo bebeik ona hodi halo povu iha nasaun nee sai vítima.

Nia fó ezemplu, iha 2006, fahe povu Timor ba Loro-sa'e no Loro-monu ne'ebé lori dezastre boot ba povu iha nasaun ne'e. Agora atu halo diálogu ba solusiona impase polítika, maibé lakohi atu partisipa.

"Uluk ita fahe ona Timor-Leste ba loro-monu no loro-sa'e, agora fila kotuk tan ba diálogu. Ita-nia (Xanana) hakarak loloos ne'e saida ba rai ida ne'e", tenik Branco, iha uma fukun Parlamentu Nasionál, Segunda (10/2).

Nia dehan, nu'udar lider istóriku ida tenke hatudu ezemplu di'ak ba jerasaun foun, liuliu iha situasaun krusiál sira hodi buka solusaun ba futuru nasaun nian.

"Ha'u hanoin ne'e polítika má fé, tanba ita (Xanana) hakilar ba mundu katak g7+ tenke kaer diálogu hanesan solusaun ba problema hotu-hotu, maibé iha ita-nia rain (Xanana) fila kotuk ba diálogu", dehan Branco.

Deputadu ne'e afirma, halo diskursu iha mundu hodi proklama ba rai hotu-hotu katak, diálogu mak solusaun ba konflitu ka lia naksalak iha rai laran, maibé iha rai laran fila kotuk fali ba diálogu ne'e la loos.

Nia akresenta, diálogu ne'e la'os liuhusi karta, maibé diálogu signifika oin ho oin, matan ho matan ko'alia ba malu, la'os diálogu hakerek karta ba malu.

Nune'e, husu ba jerasaun foun sira labele banati tuir atetude sira ne'ebe daudaun ne'e Xanana Gusmão halo hodi aplika iha rai-laran. (*)