Deputada Bankada KHUNTO, Olinda Guterres hatete, sira prontu simu desizaun saida mak Prezidente Repúblika sei pronúnsia, inklui opsaun atu forma governu foun.
"Desizaun saida de'it mak Prezidente (Repúblika) fó mai, ami simu ho liman rua", dehan Olinda, iha Parlamentu Nasionál, Tersa (11/2).
Nia hatutan, "Partidu asentu iha parlamentár tuur hamutuk forma governu, ami prontu. Atu saida de'it, atu eleisaun antesipada mós ami prontu".
Deputada ne'e akresenta, KHUNTO prontu ba kualkér desizaun, tanba intrese povu nian, hakotu lalais impase ne'e hodi bele haree ba preokupasaun povu nian. (*)