Tuir nia, iha AMP la hatene loloos kada partidu sira hanesan CNRT, PLP no KHUNTO ninia kadeira iha hira, tanba sira mai ho bloku de'it la define kadeira klaramente.
"Partidu CNRT, PLP no KHUNTO mai ho sombriña AMP. Ida ne'e ema la ko'alia. Agora sira iha ne'ebá fahe dehan ó nian kadeira 21, ha'u nia mantein 8, no ninian 5. Ne'e ilegal no la loos. Ida ne'e signifika lider sira taka malu no la ko'alia sai", dehan nia, iha Kampus Fakuldade Siénsia Sosiál, Kaikoli, Kinta (13/2).
Akademista ne'e relata, fahe kadeira la klaru, tanba momentu votasaun povu la hili CNRT, PLP no KHUNTO, maibe povu hili maka AMP.
Signifika, dadaun ne'e Partidu FRETILIN mak sai segundu mais votadu. Nune'e, Partidu CNRT, PLP no KHUNTO laiha kompeténsia atu buka aliadu hodi forma governu. (*)