Ministru Prezidensia Konsellu Ministru (MPKM), Fidelis Leite Magalhães hatete, atu halo transformasaun rai urbana sira hodi tradúz objetivu prinsipál no estratéjia sira.
“Planu Urbanizasaun sidade Dili mak planu uza rai ne'ebé define konjuntu regra disiplina no orienta uzu, okupasaun no transformasaun rai urbana sidade nian hodi tradús objetivu prinsípiu no estratéjia ne'ebé asume rai Estadu hodi hadi’a kualidade espasu urbanu no atu promove”, esplika nia iha Palásiu Governu, kuarta (23/02).
Alende ne'e kria mós komisaun konsultivu ida ne'ebé mak kompostu husi Diretór Jerál sira husi departamentu Governamentál sira ne'ebé relevante ba okupasaun no uzu territóriu, ne'ebé responsável ba akompañamentu servisu elaborasaun Plnau urbanu.
Nune'e mós aprezentasaun paresér eskritu ida ne'ebé ko'alia kona-ba adekuasaun no konvivénsia solusaun proposta sira iha planu.
Rezolusaun Governu determinasaun ba elaborasaun Planu Urbanizasaun Dili nian, aprezenta husi Ministru Planu Ordenamentu, José Maria dos Reis ba Konsellu Ministru. (*)