Login to your account

Username *
Password *
Remember Me

Udan-Anin Estraga Fiu Eletresidade iha Hae-coni

Ai-hun ne’ebé tohar hanehan hela komunidade, João dos Reis nia kios iha Aldeia Basar-uai, Suku Hae-coni, Postu Baguai, kuarta (23/02). Ai-hun ne’ebé tohar hanehan hela komunidade, João dos Reis nia kios iha Aldeia Basar-uai, Suku Hae-coni, Postu Baguai, kuarta (23/02). Foto Suplay

Tempotimor (Baukau)-Udan no anin hahú husi loron 22 to’o 23 fulan-fevereiru tinan 2022 ne'ebé ho velosidade makas rezulta fiu eletrisidade kotu iha Suku Hae-coni, Postu Administrativu Baguia Munisípiu Baukau.

Xefe Aldeia Basar-uai (Hae-coni), José Pereira Guterres haktuir, dezastre naturál ne'e akontese purvolta tuku 09:00 dader, ai-hun tohar hodi hanehan komunidade nian kios, maibé la rezulta ema ruma hetan kanek.

"Ai ohin dader tohar hanehan ha'u nia komunidade nia kios, sasan kios nian mak labele salva, tanba ai hanehan estragus totál inklui fiu eletresidade iha Suku Hae-coni, sasan labele lori sai, tanba ai hanehan, iha laran hanesan supermi, kafe no sasan seluk sira, vitíma la iha kios laran nia toba hela fali uma,” dehan nia ba www.tempotimor.com via telefone, kuarta (23/02).

Alende ai-hun boot tohar hanehan komunidade nian kios, taka mós estrada nune'e difikulta movimentu transporte públiku husi suku Afaloikai ba Postu Baguia no ba Baukau Vila.

Tanba ne'e, husu urjente ba parte relevante atu haree no resolve kios no fiu eletrisidade ne’ebé estragus husi udan no anin.

Enkuantu kios ne'ebé hetan estragus pertense ba João dos Reis idade 62, iha Aldeia Basar-uai, Suku Hae-coni, Postu Baguia.

Nune'e mós, komunidade, Abrão Freitas hatete, fiu eletrisidade ne'ebé hetan estragus husi udan no anin boot, dadaun komunidade husi Suku tolu labele asesu eletrisidade.

"Ai-hali hun ne'e tohar iha Aldeia Basar-uai, Suku Hae-coni nian, Suku Hae-coni Afaloikai no Osso Huna, dadaun listrik mate, ai hun ne'e mós seidauk tesi, karreta liu ladi'ak motor mak bele liu," nia argumenta

Komunidade ne'e, husu ba parte EDTL.ep no Bombeiru Baukau atu normaliza lalais dalan no eletrisidade ne'ebé hetan estragus.

Abrão informa, udan no anin iha Suku Hae-coni kontinua makas fó ameasa ba komunidade sira nia hela fatin ne'ebé besik iha ai-hun boot.

To'o notisia ne'e públika, www.tempotimor.com tenta konfirma Xefe Suku Hae-coni liuhusi via telefone, maibé númeru mate hela. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter