“Konsellu Ministru delibera ona hodi autoriza negosiasaun Akordu sira “Millennium Challenge Compact” no “Program Implementation Agreement”, entre Estadus Unidus Amérika, liuhusi Millennium Challenge Corporation no Repúblika Demokrátika Timor-Leste.  Konsellu Ministrus deside ona mós hodi atribui ba Ministru Prezidénsia Konsellu Ministrus, Fidelis Manuel Leite Magalhães, podér tomak ba negosiasaun no asinatura akordu ida-ne’e”, deklara komunikadu ne’ebé www.tempotimor.com asesu iha pájina Governu, kuarta (16/02).

Liuhusi Konsellu Ministru ne’e, aprova mós projetu Dekretu-Lei, ne’ebé aprezenta husi Ministru Administrasaun Estatál, Miguel Pereira de Carvalho, ba alterasaun datoluk ba Dekretu-Lei nú. 8/2013, loron 26 fulan-juñu, kona-ba Rejime Jerál Programa Dezenvolvimentu Suku sira (PNDS) nian.   

Ministru Administrasaun Estatál, mós aprezenta opsaun polítiku-lejizlativa subjasente sira ba inisiativa alterasaun ba Dekretu-Lei nú.12/2018, loron 25 fulan-abríl, kona-ba subsídiu estraordináriu ba membru Órgaun sira Administrasaun Eleitorál nian. (*)