"Liliu ba lideransa komunitáriu sira, fixa família dadaun iha ona Munisípal Baukau hamutuk rihun 22.361 follas, husu liderasan sira tenke halo pedidu mai iha postu, postu sei enkamiña karta akompañamentu ida mai Prezidente Autoridade Munisípal mak foin diresaun refere halo distribuisaun," dehan Maria iha kna'ar fatin, Vila Nova Baukau, kinta (10/02).
Tanba, iha tinan 2021 servisu Munisípal Baukau simu ona follas fixa família rihun 22.361 husi Diresaun Apoiu Administrasaun Suku (DAAS) nasionál atu distribui ba Suku 59 ne'ebé estabelese iha Munisípiu Baukau.
Husu mós ba responsablidade suku halo indentifikasaun liuhusi nia Aldeia ida-ida atu bele hatene xefe família hira mak seidauk hetan fixa família.
"Dadaun Suku balun proposta mai ona, maibé sira seidauk simu fixa família foun, razaun sira nia pedidu mai postu, postu enkamiña mai Prezidente Autoridade deposi hein despassu husi Prezidente Autoridade mak ami sei halo distribuisaun," nia hatete
Enkuantu, Munisípiu Baukau, kompostu husi Postu Administrativu-6, Baukau Vila, Baguia, Laga, Kelikai, Venilale no Vemase, Suku 59, ho nia Aldeia 281, xefe família hamutuk 35.388 no totál populasaun 159. 083. (*)
