"Uluk diskute US$50 sasan oituan de'it, US$50 la'os hola hotu hahan la'e, ba ema hatun hasa'e (sasan) iha hotu laran, selu karreta mós iha hotu laran, hamutuk mak US$50 ne'e, la'os ida simu US$50, ne'e Xefe Suku sira tenke informa ba nia povu sira atu labele konfuzaun iha tempu simu cesta bázika," dehan nia iha salaun sentru konvensaun Baukau vila antiga, kuarta (08/06).
Dadus Benefisiáriu ba cesta bázika faze daruak no osan fin do anu nian husi Baukau preparadu, tanba mantein ho dadus cesta bázika faze dahuluk nian.
"Sim, dadus ba cesta bázika ne'e iha hotu ona no ba fim do anu US$200 nian mós iha, ema ne'ebé direitu atu simu ne'e iha fixa família to'o iha 28 novembru ba kraik ne'e mak simu, liu ona mai labele halo tán ona, tanba orsamentu aprova ona," nia informa
Sekretáriu Autoridade Munísipal Baukau, Simão dos Santos Marques Pinheiro, hatete, despaisu ba programa cesta bázika faze daruak nian Autoridade Baukau seidauk iha, maibé iha ona preparasaun.
"Iha dadus anterior nafatin, dadus sira ne'ebé ita elabora husi Suku no Postu Administrativu nafatin iha," nia hatete
Benefisiáriu ba sesta bázika faze dahuluk iha Munísipiu Baukau, husi Postu Administrativu Baguia, hamutuk 14.918, Baukau Vila, 60.173, Laga, 21.811, Kelikai 26.904, Venilale 21.908 no Vemase 14.155.
"Totál Benefisiáriu ba sesta bázika iha Munísipiu Baukau 159.870," nia informa
Munísipiu Baukau, iha Postu Administrativu 6, hanesan Postu Baguia, Baukau Vila, Laga, Kelikai, Venilale no Vemase, kompostu husi Suku 59, Aldeia 281, xefe família 35.388 no populasaun hamutuk 159.083. (*)
