Login to your account

Username *
Password *
Remember Me

SEFOPE Prepara Haruka Traballadór Na'in-86 ba Austrália

Diretór Nasionál Empregu Exterior DNEE), Filomeno Soares. Diretór Nasionál Empregu Exterior DNEE), Filomeno Soares. Foto Suplay

Tempotimor (Díli)-Sekretáriu Estadu Formasaun Profesionál no Empregu (SEFOPE) liuhusi Diresaun Nasionál Empregu Exterior (DNEE) prepara hela trabaladór timoroan hamutuk na’in-86 ne’ebé sei aranka ba servisu iha Austrália iha fulan-marsu 2022.

Diretór Nasionál Empregu Exterior DNEE), Filomeno Soares hatete, propograma briefing ba traballadór sira ne'e atu servisu ho badinas iha servísu fatin.

“Ohin ita fó briefing ba ita-nia traballadór timoroan 86 ne’ebé prepara atu ba serbisu iha Austrália, mak hanorin kultura, servisu, disiplina Austrália nian nune’e sira bele adapta ho kultura serisu iha Austrália”, dehan Filomeno Soares iha Sentru Treinamentu Juventude, Bekora, Dili, kinta (10/02).

Traballadór 86 ne’ebé atu aranka ba servisu iha Austrália ne’e ba Seasonal Worker Programme (SWP) hamutuk 22 no Pacific Labour Scheme Austrália hamutuk 64.

Maibé liuhusi teste mak traballadór sira ne'e iha balun pozitivu Covid-19 sei bele pendente no reduz númeru balun.

Kona-ba rekezitu ba traballadór sira atu ba serbisu iha Austrália, depende husi empregadór sira mai mak traballadór sira tenke iha koñesimentu iha lian Inlgés, fíziku di’ak, tenke disiplina, no tenke simu vasina AstraZeneca kompletu.

Traballadór sira ne’ebé sei bá serbisu iha Austrália, kompostu husi grupu rua, ne’ebé iha grupu dahuluk sei arranka iha fulan-fevereiru nia rohan no balu iha fulan-marsu.

Trballadór Timoroan, Julito dos Santos Carvalho hatete, nia parte kontente tebes hetan kontaktu husi SEFOPE atu ba servisu iha Austrália liuhusi programa PLS nian.

“Tanba PLS ne’e hanesan funsionáriu permenante durante tinan tolu iha Austrália, oportunidade ne’ebé ha’u hetan ne’e agradese tebes”, dehan nia.

Traballadór 86, iha feto na’in-30 no mane 58 ne’ebé sei ba austrália ho durasaun kontratu serbisu másimu fulan-sia no mínimu fulan-lima. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter