Diretór konservatóriu servisu notáriadu Baukau Marcelino Gama hatete, rejistu pasaporte númeru sa'e makas kompara ho tinan-rua ba kotuk.
"Husi loron 4 fulan-janeiru tinan-2022 ne'e, ita rejistu hamutuk 252 pasaporte komum, sira trata pasaporte ba estranjeiru mak sira trata pasaporte iha Baukau liliu ba labarik sira hanesan idade ba servisu nian mak barak liu," dehan Marcelino iha kna'ar fatin vila nova Baukau, segunda, (31/01).
Pasaporte ne'e, ema ne’ebé atu ba servisu iha Australia, Englatera, Irlandia inklui ba servisu Korea mak pursentu boot.
Regras ne'ebé implementa atu trata pasaporte nafatin hanesan tinan kotuk iha prosesu durante loron 2, loron 3 to'o 10, maibé iha fulan-janeiru tinan-2022 ne'e, sidadaun ne'ebé trata pasaporte ho urujente laiha.
"Durante janeiru ne'e ba US$100 nian laiha, US$75 na'in-2 de'it, ne'e ba tratamentu saúde iha estranjeiru, US$50 mak barak liu,' nia informa
Alende ne'e, servisu notáriadu Baukau nafatin fó atendementu ba kliente sira ne'ebé trata billeti identidade (BI), maibé preukupa ho ekipamentus hanesan Ologram, Ribbon inklui Laminating, tanba sei iha prosesu tuir dalan atu mai Timor-Leste.
"Orientasaun mai husi diresaun jerál xefe departementu gabineti administrasaun fó ona avizu ba Munisípiu hotu, ami agora fó atendementu ba kartaun originál ne'e laiha," nia hatete
Tanba ne'e, diresaun servisu notáriadu Munisípiu Baukau, sei kontinua fó de'it Billeti Identidade (BI) provizóriu ba kliente sira atu uza ba trata dokumentus seluk. (*)
