Login to your account

Username *
Password *
Remember Me

Programa Sesta Bázika Daruak, Governu fó Prioridade ba Produtu Lokál

Aihan Sesta Bazika ne'ebe preparadu ona iha Bote hodi fahe ba komunidade sira. Aihan Sesta Bazika ne'ebe preparadu ona iha Bote hodi fahe ba komunidade sira. Foto Suplay

Tempotimor (Díli)-Ministériu Koordenadór Assuntu Ekonómiku (MKAE) liuhusi Koordenadór Sesta Bázika, Fernando de Araújo hatete, implementasaun Porgrama Sesta Bázika ba tinan 2022, Governu sei tau prioridade ba produtu lokál sira.

"Ko'alia kona-ba sesta bázika ne'e mak ninia natureza ne'e mak rekoperasaun Estadu nia orientasaun mak ne'e, ninia objetivu prinsipál ne'e mak liuhusi fundu rekoperasaun ekonómika ne'e ita prioridade liuba produtu lokál”, deha Fernando ba www.tempotimor.com iha Sentru Nasionál de Formasaun Profesionál (CNFP), Bekora, segunda (17/01).

Tanba programa sesta bázika ne'e atu rekopera ekonomia Governu nian ho objetivu atu hasa'e agrikultór sira-nia produsaun iha terrenu.

Iha parte ida mós fahe ai-hán ba komunidade hotu, alende ne'e mós fó servísu ba komunidade sira ne'ebé mak durante ne'e la hetan servísu.

"Atu estimulu ita-nia agrikultór sira para oinsá mak sira badinas hasa'e sira-nia produsaun, ne'e ida, ida seluk, mak sesta bázika kuandu la'o iha situasaun pandemia Covid-19 povu hasoru dezafiu entaun Governu preve ai-hán oituan ba kada ema ida-idak para bele sustenta oituan sira-nia moris agora pontu tolu mak ita fó servisu ba ema, hatene katak sesta bázika ne'e kompaña ida fó servisu ba ema nia aluga kontainer no halo seluk tan entaun ida ne'e fó mós serbisu ba ema”, afirma nia.

Maibé kuandu rekolla hotu produtu sira ne'ebé mak produz la to'o, iha lei ne'ebé fó dalan ba Governu atubele hola dadaun importadu sira hodi fahe ba komunidade sira.

"Ne'ebé nia objetivu prinsipál mak ne'e tenke produtu lokál, bainhira produtu lokál la to'o iha lei mós hatete katak bele hatama mós produtu importadu, por ezemplu fós, se la to'o aumenta ho produtu importadu. Maibé nia objetivu prinsipál liu ne'e mak ba produtu lokál”, deklara nia.

Nune'e iha Sekretáriu Estadu Meiu Ambiente sira mós haree kona-ba oinsá komunidade sira produz bote, entaun bele dehan katak osan nia sirkulasaun la'o hela.

Alende ne'e Diretór Jerál Sekretária Estadu Kooperativa (SEKOOP), Francisco Xavier hatete, dadaun ne'e Governu fó fiar tan ba Sekretária Estadu Kooperativa (SEKOOP) atu implementa tan programa Sesta bázika iha tempu tuir mai.

"To'o agora mós SEKOOP mós hetan fiar husi Estadu, para oinsá mak bele asegura, Sesta Bázika tuir mai, maibé ninia mekamnizmu métodu sei iha prosesu nia laran hein, baze legal tuir mai ita bele halo servisu ne'ebé di'ak liután tanba dadaun ne'e iha ona referénsia no iha ona dalan”, esplika nia.

Iha tinan 2021, Parlamentu Nasionál (PN) konsege aprova osan millaun US$8 b rekoperasaun Ekonómika iha Timor-Leste no fahe rihun US$40 ba Sekretária Estadu Kooperativa (SEKOOP) no US$40 ba Ministériu Turizmu Komersiu Industria (MTKI) hodi implementa programa refere.

Dadaun ne'e prosesu implementasaun Sesta Bázika iha ona Ministériu Finansas (MF) bainhira aloka ona orsamentu ba item Kada Ministériu implementadór sira bele hahú ona rekolla produtu husi agrikultór sira.

Polítika Nasionál Governu nian ba rekoperasaun Ekonómika iha Timor-Leste iha medida hamutuk 70-resin programa Sesta bázika, Seguransa Alimentár ne'ebé mak realiza husi Centru Nasionál Lojistika (CLN), no seluk tan. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter