"Ha'u hanoin programa lubuk ida ne'ebé mak SEKOOP halo atividade tuir planu ne'ebé mak tau iha 2021 ema primeiru kona-ba formasaun ba grupu kooperativa sira durante ne'e la'o e realiza duni, nomós iha Munisípiu ba Postu no Suku sira konsege kooperativa hamriik ona, ba koopera kréditu no nonkréditu, no programa seluk ne'e ita hetan susesu duni, tanba SEKOOP ninia komitmentu rasik, bele atinje duni objetivu ne'ebé mak iha”, dehan Francisco Xavier ba www.tempotimor.com iha Sentru Treinamentu Vokasionál Juventude Komoro, segundu (17/07).

Alende ne'e mós halo asina memorandu lubuk ida ho instituisaun Governu no privadu sira oinsá atu hasa'e kapasidade kooperativa nian ba mundu dijitál no hasa'e kapasidade kada kooperativa hodi la'o ho di'ak.

Maske durante ne'e iha impedimentu boot ne'ebé mak sai dezafiu mak situasaun pandemia Covid-19 to'o aplika Konfinamentu Obrigatóriu (KO) no Estadu Emerjénsia (EE) inklui mós akontese situasaun inundasaun ne'ebé impede servisu instituisaun Estadu iha loron 04 fulan-Abríl tinan 2021.

"Maske iha dadaun ne'e iha postu 12 ne'ebé mak seidauk iha Kooperativa ne'ebé hari’i, maibé hein tinan 2022 bele estabelese hotu iha postu sira no suku sira tuir poténsia suku nian”, esplika nia.

Maibé tinan 2022 SEKOOP kontinua esforsu atu estabelese iha Suku no Postu sira ne'ebé mak seidauk konsege estabelese kooperativa tuir poténsia suku ida-idak nian.

Iha mós planu seluk ne'ebé mak daduak ne'e SEKOOP realiza mak estabelese kooperativa exelente liliu kréditu Uniaun (CU) hafoin hakat ba suku sira. (*)