"Ita haree didi’ak ezekusaun orsamentu iha fundu infraestrutura iha 2018, 85.5% 2019, 76.8% iha 2020, 75% iha 2021 até setembru nia ezekusaun 13%, e espera ita aumenta nia persentajen, problema iha ne’e la’ós nia ezekusaun de’it problema iha ne’e liliu nia garante no kualidade ne’e di’ak”, dehan Taur Matan Ruak iha Salaun Ministériu Finansas Aitarak Laran tersa (30/11).

Projetu finansiadu ba infraestrutura iha tinan 2018 mai oin iha 1.856, tuir  fonte husi Ministru Planu Ordemamentu Orsamentu alokadu billaun US$1.2, ezekusaun millaun 750 ho ekivalente 64%, projetu balun sei ongoing hela projetu konklui 1000.56, projetu pendente iha 13 no iha projetu foun iha 2022 iha 236 emkursu 330 projetu 242.

Projetu ne'ebé barak tanba ne'e husu ba Ministru relevante sira atu kontrola nafatin hodi mantein nia kualidade ne'e la'o ho di'ak.

Mezmu ezekusaun ki'ikoan maibé importante mak tenke garante nia kualidade ba tempu naruk nian maske gasta osan boot.

Tanba dadaun ne'e Japan International Cooperation Agency (JICA) durante ne'e apoiu iha dezenvolvimentu infraestrutura nian.

"Ohin loron ita iha apou dezenvolvientu JICA obrigadu ba Jica nia reprezenta iha ne’e no parseirus sira seluk ké ajuda ita para halo balansu avaliasaun kona ita-nia investimentu infraestrutura liliu ninia utilidade iha ita-nia nasaun maibé ha’u hanoin ita presiza halo perspetiva ida”, dehan nia. 

Durante tinan ida nia laran Governu halo diskusaun kona-ba dezenvolvimentu infraestrutura.

Maibé iha tinan 2021 ne'e konsentra hamutuk ba reforma Finansa Públika, ne'ebé muda tuir modelu orsamentu tuir nia baze bazeia ba programa. (*)