"Dezenvolvimentu infraestrutura iha ita-nia rain importante tebtebes e ita hotu preokupa ba ninia dezenvolvimentu liliu nia konsumen ita, gasta osan barak liu iha infraestrutura, pais hothotu inklui Timor-Leste hakarak dezenvolve nia infraestrutura sira hotu ho di’ak”, dehan Taur Matan Ruak, bainhira partisipa iha Semináriu kona-ba Rezultadu Avaliasaun Ex-Post ba Projetus Infraestruturas iha Timor-Leste Salaun Ministériu Finansas, Aitarak Laran, tersa (30/11).
Tanba ho reforsa kapasidade no konetiividade kria kondisaun sira atu aumenta kompetitividade nomós integrasaun la’ós de’it iha nível nasionál maibé mós nível rejionál no mundu.
Gasta ba infraestrutura ne'ebé mak iha Timór laran tomak uza osan ho valór ne'ebé boot tanba ne'e mak tenke garante nia kualidade.
“Ha’u aponta balun iha atu lembra de’it kona-ba kustu ne’ebé ita gasta ba infraestrutura ne’e normalmente nia kustus boot ne’e, ita tenke tau kuidadu loos para ke garante nia kualidade”, dehan nia.
Tanba nasaun ida ne'ebé mak iha ninia dezenvolvimentu presiza garante nia kualidade hodi tahan aguenta ba tempu naruk.
"Ita-boot sira haree ha’u sei iha Prezidente Repúblika ha’u kritika demais kona-ba ita-nia obra sira iha Timor, ezatamente tanba ida ne’e, iha barak investimentu sira ne’ebé ita halo nein todo iha kualidade”, afirma nia.
Tanba iha nasaun ida ne’ebé nia nível infraestrutura menus difísil atu atinje objetivu tolu, normalmente investimentu sira ne’e balun iha aréa saneamentu, enérjia komunikasaun, estrada, portu no aeroportu sira. (*)
