Tempotimor (Dili)-Konsellu Administrasaun Fundu Infraestrutura (KAFI) realiza reuniaun hodi haree no analiza pontu situasaun husi projetu sira Fundu Infraestrutura (FI) ne’ebé daudauk la’o-hela no defini projetu prioritáriu sira ba tinan 2023, nomós garante projetu hirak-ne’e kumpri prosedimentu legál no obra sira iha duni kualidade.

Tempotimor (Dili)-Ezekusaun reál Orsamentu Jerál Estadu (OJE) 2023 ba Todo Governo-esklui kompromisu no obrigasaun sira, to’o iha 27 Abríl, em termos nominál atinje ona millaun $282,9 husi orsamentu aprovadu billaun $2,16.

Tempotimor (Dili)-Konsellu Administrasaun Fundu Infraestrutura (KAFI) kontinua diskute kona-ba ezekusaun orsamentu no implementasaun projetu ne'ebé finansia husi Fundu Infraestrutura rasik.

Tempotimor (Dili)-Ministru Obras Públikas (MOP), Abel Pires da Silva hatete, reabilitasaun ba estrada ne’ebé hetan estragu kauza husi kalamidade 04 Abril 2021 husi Manleu to’o mota Kasnafar no husi Air Terjun to’o Sarlala sei implementa iha tinan 2022.

Tempotimor (Dili)-Konsellu Administrasaun Fundu Infraestrutura (KAFI) kontinua diskute kona-ba implementasaun projetu finansiadu husi Fundu Infraestrutura.

Tempotimor (Dili)-Ministru Obras Públikas (MOP), Abel Pires da Silva, orienta Diretór Jerál Obras Públikas (DJOP), Rui Hernani, no Diretór Nasionál Estrada, Ponte no Kontrollu i Seias (DNEPCC), Milton Ramanata de Castro Monteiro, inklui tékniku sira atu rezolve ponte Lamara, iha Postu Administrativu Natarbora, Munisípiu Manatutu nian no Ponte Dilor iha Postu Administrativu Lakluta, Munisípiu Vikeké ho orsamentu Fundu Infraestrutura (FI).

Tuir informasaun ne’ebé www.trmpotimor.com asesu iha pájina MOP, segunda (19/06) katak, observasaun ba ponte Lamara ne’ebé ho kondisaun kotu hela, Ministru Abel foti desizaun hodi orienta tékniku sira halo manutensaun ba ponte Lamara, nia orsamentu perkore ba Fundu Infraestrutura no lalika hein tan orsamentu husi fonte seluk hanesan fundu impréstimu sira tanba funsu impréstimu ne’e sei iha prosesu naruk.

“Ida-ne’e ita tenke deside, ita foti osan husi Fundu Infraestrutura, lalika hein tan seluk, tanba iha informasaun katak oraamentu Fundu Infraestrutura sei barak hela”, dehan Ministru Abel.

Hafoin halo observasaun ba ponte Larama, ekipa kontinua viajen ba ponte Dilór ne’ebé daudauk ne’e kondisaun kotu hela, movimentu ema-nian no transporte iha fatin refere atu ultrapasa tenke liuhusi mota-laran.

Tanba ne’e, orienta DJOP no ekipa tékniku sira atu buka solusaun liliu rezolve uluk problema kona-ba oinsá komunidade no transporte bele utiliza hikas ponte.

“Importante mak rezolve ida oan ne’e (parte sorin husi ponte Dilór ne’ebé mota sobu) pois mak estudu ba iha leten ne’eba hodi rezolve”, hatete Ministru.

Diretór Jerál Obras Públika hatete, ba ponte Lamara nian sei perkore ba orsamentu iha Fundu Infraestrutura, tanba ne’e sei aprezenta dezeñu ba Ajénsia Dezenvolvimentu Nasionál (ADN) hodi verifika, no kona-ba ponte Dilór nian sei rezolve tuir orientasaun Ministru nian, atubele fasilita komunidade no transporte iha fatin refere, inklui hametin estrutura ponte ne’e nian. (*)

Tempotimor (Díli)-Primeiru Ministru (PM), Taur Matan Ruak kritika maka’as Ministériu Obras Públika (MOP) Ministériu Planu no Ordenamentu (MPO) no Ministériu Finansas (MF) ne’ebé hatudu prestasaun ladi’ak impede dezenvolvimentu no rekupera infraestrutura iha tinan 2020 no 2021.

Tempotimor (Díli)-Primeiru Ministru (PM), Taur Matan Ruak hatete, ezekusaun Orsamentu Jerál Estadu (OJE) 2021 iha Fundu Infraestrutura to'o fulan-setembru foin atinje pursentu 13 (13%), tanba Governu la fó prioridade ba parsentajen Ezekusaun ne’ebé hakdasak, maibé hakarak garante kualidade projetu nia ba futuru.

Tempotimor (Dili) - Dadus hatudu husi tinan-2011 bainhira governu harii fundu infrastrutura to’o tinan-2020 aloka ona osan hamutuk billiaun US$4.63 iha Fundu Infrastrutura.