"Husi número rejistu ne'e ita konsege hamutuk EN 36 empreza, unipesoal LDA hamutuk 16 no LDA ga limitada 1 de'it", dehan Koordenadór SERVE.ip sukursál Baukau, Raul Sanches Lajes ba jornalista, kuarta (17/11).

Jeralmente tuir estatistika Baukau-oan maiória hamutuk pursentu 60 ne’ebé iha inisiativa hala'o vida negósiu, nune'e sempre iha inisiativa loke negósiu no parte mós husi kritéiru Banku nian atu asesu ba kreditu.

Nune’e, sira mós parte husi kritéiru Banku nian atu asesu ba kreditu, tanba dokumentu importante ba asesu kreditu hamutuk 3 ne’ebé hanesan Sertidaun rejistu komérsial, sertifikadu rejistu komérsial no autorizasaun ezersisiu komérsial.

"Husi tolu ne'e mak bele aplika iha Banku, tanba presiza rekezitus husi serve para asesu ba kreditu, negósiantes sira mós bainhira hetan sertifikadu sira-ne'e atu asegura sira nia negósiu," Raul akresenta

Alende ne'e, bele iha baze legál hodi hatan ba AIFAESA bainhira halo inspeksaun ba aktividade negósiu.

Razaun seluk mak aumenta aktividade negósiu no renovasaun, tanba empreza balun halo aktividade negósiu minimu 5.

"Ho razaun ne'e mak kada fulan Baukau-oan sira sempre mai loke negósiu no halo alterasaun ba dokumentu hanesan diresaun ka fatin no aumentu aktividade negósiu inklui renovasaun," nia afirma

Nia hatutan, dadaun SERVE mós nafatin iha mekanismu halo atendementu ba kliente sira iha Baukau hanesan dereitamente iha edifísiu no liuhusi online.

Entertantu, iha fulan-outumbru nia laran Servisu Rejistrasaun no Verifikasaun Emprezariál (SERVE.ip) sukursál Baucau konsege rekolla mós reseita hamutuk $3.334.50.

SERVE.ip rasik halo atendimentu iha Munisípiu Baukau hahú kedas iha tinan 2018 no dadaun  rejista ona kompaña foun hamutuk 656, renovasaun hamutuk 769 inklui alterasaun ka aumenta aktividade hamutuk 754. (*)