Login to your account

Username *
Password *
Remember Me

Governu ‘Hakarak’ Empreza Lokál Envolve iha Projetu Pelican Paradise

Dezena Projetu Pelican Paradise. Dezena Projetu Pelican Paradise. Foto Suplay

Tempotimor (Dili)-Ministru Koordenadór ba Asuntu Ekonomiku (MKAE), Joaquim Amaral hatete, dadaun Governu daualu propoin ona Prezidente Pelican Paradise atu envolve empreza lokál timoroan sira iha projetu investimentu ne'ebé sei hari'i iha Tasitolu.

“E enkontru ne'ebé ami halo ho sira, husu para sira bele envolve kompaña timoroan sira, envolve para bele konsidera kontein lokál iha investimentu ida-ne'e”, dehan nia iha Palásiu Prezidensial Bairo Pite, tersa (16/08).

Ba projetu investimentu ida-ne'e, na'in ba Pelican Paradise rasik aprezenta ona kanlendáriu lansamentu ba Governu katak, sira sei halo lansamentu fatuk dahuluk iha fulan-Novembru tinan 2022.

Tanba ne'e, konsultasaun hotu dadaun hala'o hela, maibé kona-ba dezenu ne'e Pelican paradise ho Ministériu Obras Públika mak halo hela.

“Ne'ebé diskusaun sira la'o hela, ita hein katak kalendáriu ne'ebé marka ona ba fulan-novembru tinan ida-ne'e atu halo lansamentu primeiru pedra bele realiza”, afirma nia.

Husi investimentu Pelican Paradise ne'e rasik sei transforma Tasitolu sai zona ne'ebé atraitivu tanba iha fasilidade otel, iha Sentru Konvensaun ne'ebé bele halo reuniaun akomoda ema liu atus-lima, no iha fasilidade ospitál, iha mós eskola, iha condomíniu, inklui iha reflorestasaun ba foho leten.

“Sira-ne'e e sei lori mai ita hotu, zona ida ne'ebá sai zona representasaun ba imajen Dili ne'e sei sai di'ak liu”, hatete nia.

Maske, lansamentu ba fatuk dahuluk ne'e rasik durante ne'e kontinua muda tanba ida-ne'e prosesu normál ida ne'ebé akontese iha investimentu sira ho nia eskala boot no komplesidade tanba la'ós hari'i de'it fasilidade ida, maibé ne'e dezenvolve zona ida ho nia investimentu lubuk ida.

“Ne'ebé komplesidade sira-ne'e ninia konstrusaun presiza ninia dezeñu no ninia aprovasaun husi entidade relavante sira, inkluindu ho obras Públika ne'ebé konsultasaun sira-ne'e halo”, afirma nia.

Ba parte Governu mós husu bainhira halo ona lansamentu ba investimentu ida-ne'e tenke tama kedas ba faze konstrusaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter