Login to your account

Username *
Password *
Remember Me

Reklamasaun UKL iha Afaça, Xefe Suku Deklara Ona ba Públiku

Diretóra PNDS Munisípiu Baukau Amélia Maria Viegas ko’alia hela ba media sira iha kna'ar fatin vila nova Baukau, segunda (15/11). Diretóra PNDS Munisípiu Baukau Amélia Maria Viegas ko’alia hela ba media sira iha kna'ar fatin vila nova Baukau, segunda (15/11). Foto Tomas Freitas

Tempotimor (Baukau)-Diretóra Programa Nasionál Desenvolvimentu Suku (PNDS) Munisípiu Baukau, Amélia Maria Viegas afirma, reklamasaun Uma ba Kbi’it Laek (UKL) iha Suku Afaça, Postu Administrativu Kelikai, Munisípiu Baukau ne'ebé levanta to'o iha parlamentu nasionál, xefe Suku deklara ona ba públiku.

"To'o agora, kestaun kona-ba reklamasaun nia oan servisu ou la'e, foin iha kazu ida, ne'e iha ita-nia Suku Afaça, ne'ebé foin dadaun foti iha parlamentu nasionál ita hotu hatene kestaun ida ne'e xefe Suku rasik halo ona justifikasaun klaru ba públika to'o agora ida ne'e la kestaun ona", dehan Amélia iha kna'ar fatin Vila Nova, Baukau, segunda (15/11).

Tanba, tuir mata dalan ne'ebé mak PNDS iha ekípa ne'ebé tun-ba halo verifikasaun kompostu husi xefe Suku, xefe aldeia, reprezentante veteranu, OPS inklui reprezentante juventude.

Sidadaun kbiit la'ek ne'ebé merese atu hetan UKL mós  tenke tuir kritéiru husi matan dalan UKL nian, haree aspetu 4 hanesan kondisaun sosiál, ekonómiku, uma inklui kondisaun rai.

"Wainhira perguntas hotu kona-ba kestaun sosial ekonomiku rai ho tan uma, nia hatan ho perguntas hotu, la'os husu de'it perguntas maibé husu mós ba komunidade viziñu ou ba nia konsellu Suku ne'ebé hela besik nia", afirma nia.

Konstrusaun ba uma kbi’it la'ek kontinua la'o normál, tanba bazeia ba ekípa verifikadór sira sidadaun ne'e merese atu hetan.

Nune’e, xefe Suku Afaça, Joaquim Fernandes Ximenes hatete, problema UKL ne'ebé mak reprezentante povu iha uma fukun parlamentu nasionál husi deputadu bankada PLP, Noe da Silva halo konsolidasaun iha Suku Afaça rona husi komunidade balun mak aprezenta de'it iha PN ne'eba, maibé ne'e lalós.

"Sira mai halo dialogu mak populasaun sira ko'alia uma kbiit la'ek fo fali ba funsionariu públiku, fó fali ba F-FDTL, ne'e mak ha'u rona", katak xefe Suku.

Uma ba kbi’it la'ek ne'ebé iha Suku Afaça implementa iha aldeia Uekubuti verifika husi ekípa verifikadór sira kompostu husi tekniku PNDS postu, tékniku Suku, Xefe Aldeia, reprezentante veteranu, OPS, pas Suku, inklui xefe Suku.

Nia hatuir, kandidatu ba UKL iha Suku Afaça hamutuk na'in-27, maibé ema na'in-3 mak liu iha aldeia Uekubuti Suku Afaça, bazeia ba mata dalan PNDS nian.

"Ne'e mak ami verifika tiha nia dokumentu, pontu barak liu mak ami fó valór ba ema na'in-3 ne'e", nia afirma

Entertantu uma ba kbi’it la'ek (ULK) iha Munisípiu Baukau hamutuk 177, dadaun ne'e konsege realiza ona iha Suku 58. (*)

 

Rate this item
(0 votes)
Last modified on Monday, 15 November 2021 22:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter