Login to your account

Username *
Password *
Remember Me

HIAM Eleva Kapasidade Grupu Agrikultura Redús Má-Nutrisaun Iha TL

Vise Diretór HIAM, António Guterres ko'alia hela ba media sira iha salaun apuramentu administrasaun Munisípal Vila Nova Baukau, segunda (15/11). Vise Diretór HIAM, António Guterres ko'alia hela ba media sira iha salaun apuramentu administrasaun Munisípal Vila Nova Baukau, segunda (15/11). Foto Tomas Freitas

Tempotimor (Baukau) - Organizasaun Hamutuk Ita Ajuda Malu (HIAM), kontinua eleva kapasidade no abilidade grupu agrikultura sira, atu redús má-nutrisaun iha Timor-Leste (TL).

Vise Diretór organizasaun HIAM, António Guterres informa, kontinua esforsu luta ba redúsaun má-nutrisaun hahú husi labarik idade 0 to’o tinan 5.

"Timor-Leste iha defisiensia ba má-nutrisaun liu-liu ba labarik tinan-5 mai kraik, ita hakarak eleva kapasidade no abilidade juventude no agrikultór sira atu bele kuda ai-hán sira ne'ebé iha nutrisaun di'ak nune'e bele konsumu iha família no komunidade jeral," dehan nia iha salaun apuramentu Admistrasaun Munisípiu Baukau Vila Nova, segunda (15/11).

Nia dehan, redús mál nutrisaun iha Timor-Leste presiza liuhusi survey ruma, nune’e realidade ne'ebé ekípa HIAM haree, grupu sira komesa prodús ona ai-hán ne'ebé iha nutrisaun hanesan modo no ai-fuan.

Antes ne'e, HIAM suporta juventude na’in-20 liuhusi kapasitasaun inklui matérial, ekipamentu, fini no tun dereitamente hodi harii toos hortikultura nian husi grupu benefisiáriu sira husi postu admistrativu Venilale no Baukau hanesan suku Triloka, Buruma, Bahú, Fatulia, Uma ana-ulu,  no Uma ana-iku.

"Husi treinamentu siensibel ba nutrisaun, liu-liu ba juventude no grupu toos na'in sira, ita kontinua eleva sira nia kuinesementu no abilidade iha aréa hortikultura no nutrisaun", António haktenik

Tanba ne’e, HIAM nafatin iha komitmentu atu kontinua hatutan no habelar ba juventude tomak, atu labele kuda de'it ai-hán kategoría haforsa haree, batar, talas no fehuk, maibé kria kombinasaun hanesan hahan nutritivu seluk modo no ai-fuan.

Nune'e mós Xefe Departementu Programa Extensaun Agrikóla Munisípiu Baukau, Tereza da Costa de Almeida hatete, treinamentu refere mós ajuda tebes, tanba parte ida bele redús má-nutrisaun iha Timor-Leste liu-liu ba inan isin rua no labarik idade 0-5.

"Liu-liu ba agrikultór siensibel ne'e ko'alia kona-ba ai-hán tolu mak agora ita implementa mak haforsa, haburas no protesaun", katak nia

Nune’e, HIAM hamutuk ho Ministéiru da Saúde no Ministéiru Agrikultúra no Peskas atu fó kapasitasaun ba juventude sira atu eleva kapasidade no abilidade grupu agrikultóres sira iha Timor-Leste.

Partisipante juventude husi suku Triloka, Laurentina Ximenes senti kontenti, tanba bele aprende no hasa'e nia kapasidade inklui kuiñesementu iha aréa agrikutura liu-liu hahán nutritivu hanesan kuda ai-fuan inklui modo.

Enkuantu treinamentu refere hala’o durante loron-5 no partisipantes iha treinamentu hamutuk ema na'in-50 kompostu husi suku Triloka, Bahú ho Buruma. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter