"Ohin ami mai lori sasán bázika nian de'it maibé ita-boot sira hatene fatin ida ne'e, gabinete fó nafatin apoiu liliu orsamentu ba labarik sira-nia eskola durante ne'e la'o hela", dehan Cidália iha Orfonato Dom Bosco Balide, tersa (01/06).
Husi vizita ne'e atu haree labarik sira-nia kondisaun no tanba durante ne'e akompaña hela (Orfonato Dom Bosco) sira-nia servisu ne'ebé halo ba labarik ki'ikoan sira hanesan madre alma sira.
“Prontu dezafiu ne'ebé sira hasoru tanba madre sira tau matan ba labarik sira ne'ebé ho kondisaun espesial taun iha difikuldade diferente tebes ho uma mahun sira seluk”, hatete nia.
Nune'e, gabinete espoza Prezidente Repúblika nian hamutuk ho parseiru internasionál, sira iha ona kumprimisiu ida atu halo programa ida iha futuru maibé sei halo uluk enkontru ho madre sira.
Iha fatin hanesan, reprezentante Forum Comunicações Juventude (FCJ)-Centro Miguel Magone Dom Bosco Balide Dili, Dircia Soares Lopes hatete, tanba domin husi Forum Comunicações Juventude (FCJ) ho prezensa espoza PR nian ne'ebé hanesan inan ba nasaun, nia tulun sira bele hahú reativa eskola hodi hametin fali sira-nia esperansa ba mehi
"Ami mós nafatin husu ita-boot sira-nia nia tulun no suporta ami-nia estudu ne'e atu kontinua la'o to'o remata”, dehan nia.
Entretantu labarik ne'ebé hela iha uma mahun Forum Comunicações Juventude (FCJ)-Centru Miguel Magone Dom Bosco Balide Dili hamutuk 40, mane no feto ne'ebé mai husi Munisípiu 13. (*)