Login to your account

Username *
Password *
Remember Me

Espoza PR Husu Inan-Aman Kuidadu Oan iha Tempu Udan

Espoza Prezidente Repúblika (PR), Cidalia Lopes Mouzinho Nobre Guterres. Espoza Prezidente Repúblika (PR), Cidalia Lopes Mouzinho Nobre Guterres. Foto Suplay

Tempotimor (Dili)-Espoza Prezidente Repúblika (PR), Cidalia Lopes Mouzinho Nobre Guterres, husu ba inan no aman sira atu kuidadu oan sira iha tempu udan, tanba dadaun ne’e númeru moras dangue iha munisípiu Dili kontinua sa’e.

“Apelu mós ba família sira liliu inan-aman sira atu iha tempu udan kuidadu ita-nia oan sira iha uma, liuhusi ai-hán nafatin kuidadu sira-nia ijine uma laran ijine moos atu labarik sira-nia imunidade forti, kuandu sira forti sira-nia isin ne'e bele rejiste bele kontra moras hothotu”, dehan Espoza PR hafoin halo vijita ba Sentru Saude Vera Cruz, Kaikoli, kuarta (19/01).

Agradese mós ba médiku sira tomak ba esforsu ne'ebé mak sira hala'o hodi atende ba labarik sira iha fatin ida ne'e nomós iha fatin sira seluk.

"Ha'u hanoin Ministériu Saúde akompaña nafatin ba situasaun ida ne'e, atu fó atensaun másimu di'ak liután iha fatin ida ne'e, nomós iha fatin seluk", katak nia.

Tanba ne’e rekoñese mós katak, médiku sira, doutor sira ne'ebé mak halo atendementu di'ak tebtebes ba labarik, balun mak sei iha sira-nia kondisaun kritiku hela, maibé barak di'ak no balun hahú di’ak.

Maibé tenke iha komunikasaun di'ak, entre inan-aman no médiku sira atu oinsá iha situasaun ida ne'e bele koopera di'ak hodi haree hamutuk tau matan ba labarik sira.

Diretora Jerál Ministériu saúde, Odete Viegas hatete hahú kedas 2021 fulan-janeiru moras kazu dengue ho diária númeru sa'e.

"Hahú kedas 2021 fulan-janeiru ita enfrenta tan moras kazu dengue ne'ebé sa'e drastikamente, la'ós de'it dengue maibé diaria mós akompaña”, informa nia.

Siknifika katak, ministériu saúde nia papel boot tebes hodi enfrenta no solusiona problema ne'ebé mosu.

"Over load ne'ebé ospital Nasionál Guidu Valadares ho sentru saúde sira enfrenta, entaun ita buka tan espasu ne'ebé bele akomoda moras sira ne'e”, dehan nia.

Nune'e, Vera Cruz hahú kedas iha 5 fulan-janeiru konsege baixa moras 200-resin to'o loron tersa (18/01) konsege fó alta ema na’in-204, no dadaun ne’e iha hela kazu 106.

"Kona-ba fatin ami-nia hanoin ida karik Vera Cruz fatin nakonu ita laiha tan fatin, ita posibilidade bele uza tan Tasitolu. Tasitolu sai hanesan alternativa ida atubele prevene, e aliende fatin ami mós tenke prepara rekursu enfremeiru médiku sira”, informa nia. (*)

Rate this item
(0 votes)
Last modified on Wednesday, 19 January 2022 15:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter