Tanba, hahán uminitáriu ne'ebé mak governu liuhusi Sekretáriu Estadu Protesaun Sivíl (SEPS) oferese ba populasaun iha Bekora, foin to'o aldeia tolu de'it maibé aldeia 7 seluk seidauk hetan.

Apoiu umanitária ne'e la hatete katak governu seiduk fó maibé foin dadauk ne'e SEPS, fó uluk ona ba populasaun iha aldeia Bekussi kraik ho uma temporáriu merkadu Bekora no aldeia Verbidu.

“Mai fali agora hanesan aldeia Bekussi sentru, Auhun, Kakeu-Laran, Klakfuik, Mota-Ulun, Darlau, Makoko-Mate to'o agora sira seidauk simu, ne’ebé husu atu apoiu mós”, dehan nia ba www.tempotimor.com iha nia rezidénsia Bekora, domingu (09/05).

Oras ne'e populasaun suku Bekora susar ba ai-han tanba medida serka sanitária no dezastre naturál ne’ebé akontese iha iha Timor-Leste mak difkulta.

Ho situasaun ne'e, iha kompaña balun no líder partidu balun fó ona ajuda maibé ne'e a barak, oituan, hodi fó ba populasaun balun hetan, no balun seidauk hetan.

"Foin dadauk apoiu umanitáriu ne'e, komforme xefe aldeia hatama dadus mai ha’u, ne'e iha totál uma-kain 232 mak hetan ona”, dehan nia. (*)