Governu Apoiu Ona Vitima Inundasaun Pursentu 78

SEPS, Joaquim Gusmăo dos Reis ko'alia hela ba media sira iha Salaun Ministériu Interior (MI), Vilaverde, tersa (08/06). SEPS, Joaquim Gusmăo dos Reis ko'alia hela ba media sira iha Salaun Ministériu Interior (MI), Vilaverde, tersa (08/06). Foto Suplay

Tempotimor (Dili)- Governu liuhusi Sekretária Estadu Protesaun Sivíl (SEPS) fó ona apoiu emerjénsia ba vitima sira ne'ebé afetadu husi dezastre naturál ho iha territóriu hamutuk pursentu 78 (78%).

"Apoiu emerjénsia totál ba territóriu tomak, agora atinje ona 78 pursentu, hela balu mak seidauk. Husi totál ita nia família ne'ebé mak afetadu ne'e hamutuk hotu, besik 33 mill ne'e, ita konsege distribui, 78 pursentu ida hanesan ne'e”, dehan Sekretáriu Estadu Protesaun Sivil (SEPS), Joaquim Gusmăo dos Reis iha Salaun Ministériu Interior (MI), Vilaverde, tersa (08/06).

Vítima dezastre naturál sira iha Munisípiu 12 no Rejiaun Administrativu Espesial Oekussi Ambeno (RAEOA) konsege distribui hotu.

Dadauk ne'e s esforsu ho orsamentu rektifikativu ni kontijénsia nian hodi sosa apoiu ai-han bázika atubele halo "restocking" fali ba armajen iha Munisípiu sira atu antesipa dezastre naturál.

"Agora dadaun, inundasaun komesa menus ona, e ita komesa ita apoiu hotu ona, maibé iha Munisípiu balu komesa iha ai-sunu, anin-boot, ita tenke ser prepara nafatin ba ida ne'e”, hateten nia.

Aleinde ne'e, Ministériu Finansas (MF) mós aprova ona pedidu orsamentu husi SEPS hamutuk millaun US$3,2 atubele sosa tan ai-hán no nesesidade sira seluk hori preparasaun ba apoiu emerjénsia nian.

Maibé pedidu orsamentu ba apoiu rekuperasaun nian, sira seidauk bele hato'o ba MF, tanba dadus husi Ministériu Administrasaun Estatál (MAE) ne'ebé hatama husi autoridade lokál sira, seidauk tama hotu.

"Rekuperasaun ne'e, mós agora la'o dadauk ona, aban (09/06) parese ami sei ba Ataúro para bele mós apoiu ita-nia komunidade iha Ataúro ne'ebá”, informa nia.

Nune’e mós pedidu orsamentu SEPS husi fundu kontijénsia hodi halo akizisaun material ba apoiu umanitáriu presiza hodi korresponde ba família afetadu hamutuk rihun-20 ne'ebé tuir planu sei kobre ba to'o fulan-marsu tinan 2022. (*)

 

Rate this item
(1 Vote)
Last modified on Tuesday, 08 June 2021 13:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter