Komunidade Bekora kontinua halerik ba Bee-moos

Tempotimor (Dili)- Xefe suku Bekora, António da Silva Soares, hatete konunidade sira iha Suku Bekora, Postu Administrativu Kristu Rei, Munisípiu Díli kontinua halerik ba bee-moos.

Ho dezastre naturál ne’ebé akontese iha loron 4 fulan-abríl tinan 2021 kuaze fulan ida ho balun fó impaktu maka’as ba komunidade sira atu asesu ba bee-moos.

"Kestaun Bee-moos ne’ebé mak agora akontese iha suku Bekora ne'e, uluk kedan ha’u dehan ona katak ami-nia aldeia hira mak bee laiha, satán impaktu dezastre ne’ebé akontese iha dia 4 abril liu-bá ne'e populasaun suku bekora bee laiha tebes, kanu sira mota lori hotu”, dehan nia ba www.tempotimor.com iha nia rezidénsia bekora, domingu (09/05).

Aldeia hirak ne’ebé dadauk iha difikuldade ba bee-moos hanesan aldeia Daralau, Mota Ulun ne'e afeta ba uma ka'in 94, nomós aldeia Kakeu-Laran, aldeia, Klakfuik, aldeia Bekusi-Sentru, aldeia Bekusi-Kraik, kestaun ne’ebé afetadu liu mak aldeia Verbidu tanba rai monu no halai, konsege afeta ba uma-ka'in 22.

"Aldeia sira bee-moos mak laiha hanesan aldeia mota ulun, mota sobu remata hotu, mai fali iha aldeia klakfuik no Kakeu Laran mós mota sobu hotu, filafali ba Bekussi kraik nian mós bee laiha hotu, nomós sira seluk”, informa nia.

Maibé problema bee-moos ne'e rasik, hasoru malu ho Administradór postu Cristo Rei, hodi haruka ona karta ba iha Be Timor-Leste no empreza públiku (BTL,ep) iha atubele haree lalais, bee ne'ebe afetadu liu iha suku bekora ne'e.

Maske kestaun bee-moos refere ko’alia dala barak ona husi tinan 2016 to'o agora, maibé governu laiha kondisaun atu rezolve tanba iha hela situasaun emerjénsia kona-bá surtu covid-19.

"Buat ida ne'e ha’u ko’alia dala barak ona, maibé ita haree ita-nia governu, husi tinan 2016 to'o agora mai ne'e, ita haree la kleur covid-19 tama ita halo emerjénsia tun sa'e, to'o agora populasaun araska ba bee”, dehan nia.

Enkuantu populasaun iha suku Becora totál 5014, husi abitante hamutuk 22587, ne'ebé mak kompostu husi aldeia Auhun, Bekussii-Kraik, Bekussi-Sentru, Kakeu Laran, Klakfuik, Makoko-Mate, Darlau, Mota Ulun ho Romit.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter