Ba tinan 2021 ne'e, Timor-Leste sei selebra loron nasionál ne'e ba dala-IX, hahú husi loron 20 fulan-maiu tinan 2002 to'o loron 20 fulan-maiu tinan 2021, ne'ebé sei akontese iha loron kinta semana oin.
Vendedóra, Maria Soares Piedade, ne'ebé fa'an bandeira RDTL iha estrada ibun rotunda Komandante Nocolau Lobato haktuir, razaun sira fa’an bendeira Timor-Leste tanba, atu komemora loron nasionál 20 fulan-maiu 2021 hela dt semana ho balun.
"Ami agora komesa fa’an bandeira ne'e, tanba ita nia loron istóriku 20 de maiu kan besik ona, ne'ebé ida ne'e ami fa’an para iha ema ruma presiza karik, bele mai sosa, tanba ita-nia dia nasionál ne'e besik ona", dehan nia ba www.tempotimor.com iha rotunda Prezidente RDTL, Nicolau Lobato, domingu (09/05).
Nia dehan, bandeira ne'ebé fa'an, sira suku rasik ho modelu oioin, balu transforma kamiza, jaket ho kór RDTL, inklui presu mós la hanesan.
"Bandeira boot sira ne'e, fa'an ho US$15 to'o US$30 dollár, ki'ik sira ne'e 5 to'o 10 dolláre", informa nia. (*)