Tanba projetu rezolusaun ne'e aprezenta husi Ministru Interiór, Taur Matan Ruak no Ministru Defeza ein ezersísiu, Fidelis Manuel Leite Magalhães.
“Autorizasaun no regra sira ba empeñamentu operasionál konjunta entre F-FDTL no PNTL ne'e sei liuhusi operasaun patrullamentu ba territóriu nasionál tomak no vijilánsia espesiál no kontrolu ba fatin hothotu ne’ebé konsidera sensivel iha sidade Dili, atu prevene no hapara situasaun kriminoza husi indivíduu sira ne’ebé kauza instabilidade sosiál”, dehan Ministru Prezidénsia Konsellu Ministru (MPKM), Fidelis Leite Magalhães iha Palásiu Governu, kuarta (07/09).
Rezolusaun Governu daudaun ne’e tama iha vigór husi data asinatura no termina iha tuku 23 minutu 59 husi loron 13 fulan-setembru tinan 2022, ne’ebé bele renova karik mosu komportamentu sira relasiona ho asuntu ida-ne’e.
Tanba Rezolusaun Governu ne’e hodi reforsa liután medida hirak ne’ebé iha, liuhusi despaixu ne’ebé Ministru Defeza, Filomeno da Paixão de Jesus no Vise-Ministru Interiór, António Armindo, asina ona kona-ba patrullamentu konjuntu. (*)