Login to your account

Username *
Password *
Remember Me

Papa Francisco Kontente Simu Xanana ho Delegasaun Husi Timor-Leste

Enviadu Espesiál Extraordináriu husi Prezidente Repúlika J.R.H, Kay Rala Xanana Gusmão kaer liman Hela ho papa Francisco. Enviadu Espesiál Extraordináriu husi Prezidente Repúlika J.R.H, Kay Rala Xanana Gusmão kaer liman Hela ho papa Francisco. Foto Suplay

Tempotimor (Dili)-Enviadu Espesiál Extraordináriu husi Prezidente Repúlika J.R.H, Kay Rala Xanana Gusmão hatete, papa Francisco sente kontente tebes bainhira simu delegasaun ofisiál husi Prezidente Repúblika Demokratika Timor-Leste (RDTL), hodi diskute assuntu kona-ba rezolusaun konflitu no funu iha mundu tomak, hodi hametin paz no dezenvolvimentu no hadi’a povu nia moris.

“Amu Papa iha vontade liu, ita sente tebes nia kontente simu delegasaun ofisiál hosi Timor-Leste ne’ebé reprezenta Prezidente”, hatete Xanana liuhusi komunikadu Imprensa ne'ebé www.tempotimor.com asesu husi Gabinete Prezidente Repúblika, sábadu (27/08).

Xanana Gusmão mós sente orgullu ho mensajem Papa ba povu Timor-Leste, prosesu dezenvolvimentu nasionál no toleránsia iha sosiedade durante ukun-an, iha tinan 20 nia laran.

“Ha’u agradese bele hasoru sua-sentidade Papa Francisco, nia agradese tebes hodi ha’u fó apresu boot tebes ba Timor-Leste, Prezidente no povu tomak”, hatete nia.

Nune'e lori Prezidente Repúblika nia naran fó hatene ba Papa Francisco katak Timor-Leste mós tuir hela atividade sua-sentidade ninian, liliu kona-ba atu rezolve funu no buka meius hapara tiha funu iha Ukrania ho rai seluk ne'ebé akontese.

Dadauk Povu Timor-Leste rasik akompaña atividade líder igreja ne’e, liliu vizita ba Irake, hodi halo aprosimasaun ho relijiaun Islámika no esforsu ne’e nu’udar aktu ezemplar.

Tanba ne'e, tuir Papa Francisco katak, Timor-Leste merese hetan Kardeál foun hanesan Arsebispu Arkedioseze Metropolitana Dili, Dom Virgílio do Carmo da Silva no hanesan Kardeál nasaun seluk ne’ebé hetan investidura iha loron 27 Agostu 2022.

Purtantu Prezidente Repúblika, José Ramos Horta hato'o agradese ba Papa Fransisco ne’ebé temi no promove naran Timor-Leste ba mundu tomak, tanba implementa projetu rezolusaun númeru 93/V(4ª) kona-ba fraternidade umana no Koexisténsia Komum ho Umanidade no kona-ba asuntu ida-ne’e, líder relijiaun sira iha Timor-Leste hahú koordena malu, hodi realiza programa oioin ne’ebé envolve joventude.

Durante sorumutu Xanana mós temi kona-ba fraternidade umana hodi dehan katak, iha Timor-Leste hahú tiha ona programa hirak ne’e, iha fulan hirak nnia laran no sei hatudu tan iha fulan-setembru 2022, no sei buka halo tinan-tinan.

Tanba ne’e, atu loron ruma prepara-aan di’ak liután, grupu sira hodi relijiaun oioin, Katóliku, Kristaun Protestante, Musulmanu, Hindu  no Konfusiu hodi bele ba aprezenta iha Jakarta, nune’e motiva relijaun sira seluk bele iha hanoin hadomi malu, respeita malu no kria dame.

Maske Timor-Leste rasik nu’udar pais ki’ik ida maibé maioria Katólika, hodi sai ezemplu ba promove nafatin toleránsia entre relijiaun no liberdade relijiaun iha nasaun sira, iha Rejiaun ASEAN no kaer metin prinisípiu hametin dame, hodi tane aas konseitu no prinisípiu Fraternidade Umana ne’ebé Papa Francisco promove ba mundu tomak.

Enkontru ho amu Papa Francisco durante oras ida nia laran hodi konversa no defende atu kontinua programa fraternidade umana iha pais hotu, atu hapara ona funu no apresia esforsu Timor-Leste hodi ajuda Papa nia programa.

Tuir planu, Papa Francisco sei delega Vise Primeiru Ministru Vatikanu atu vizita Timor-Leste iha loron 19 fulan-setembru agora hodi inaugura Nunsiatura Apostólika Santa Sé iha Motael, Dili, iha loron 21 ne’ebé prosesu konstrusaun remata ona.

Enkontru entre Xanana no Papa Francisco termina ho serimónia bensaun murak husi Papa ba ekipa tomak inklui mós entrega prenda tersu no estatua, medalla agradesimentu no livru balun ne’ebé hetan bensaun entrega ba ekipa nu’udar sinál agradesimentu.

Hafoin enkontru ho Papa remata, Xanana oferese mós prenda Timor-Leste hanesan Tais, Kaibauk, Morten no kafe Timor-Leste ba Sekretáriu Estadu Vatikanu, Kardinál Pietro Parolin, Msgr. Edgar Parra, Suplente ba Asuntu Jerál ba Sekretáriu Estadu Vatikanu, Sekretáriu Relasaun ba Estadu Vatikanu, Arsebispu Paul Gallagher, Sekretary of Relation With States, Joseph Murphy, Head of Protocol of the Vatican no Msgr. Bruno Bastos Lins, Deputy of Head of Protocol.

Ekipa Delegasaun Timor-Leste ne’ebé akompaña Xanana hasoru Papa Francisco kompostu husi Assesór Direct e Politiku Prezidente Repúblika, Tomás do Rosario Cabrál, Assesora Administrasaun Finasas Palasiu Prezidente, Dirce dos Reis Amaral, Asistente Enviadu, Vanessa Pereira, Ofisiál Fotografu Media Prezidente Repúblika, Eugénio Pereira da Silva no  akompaña direita husi Embaixadora Timor-Leste ba Vatikanu, Juvita Rodrigues B. Ataide Gonçalves ho ekipa Protokolu, Sausia Soares no Jennifer Ventanilla. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter