Ema 12.599 iha Bekora Seidauk Simu Sesta Bázika

Xefe Suku Bekora, António da Silva Soares, ko'alia hela ho jornalista www.tempotimor.com iha nia rezidensia Bekora, domingu (09/5). Xefe Suku Bekora, António da Silva Soares, ko'alia hela ho jornalista www.tempotimor.com iha nia rezidensia Bekora, domingu (09/5). Foto Tempo Timor

Tempotimor (Dili)-Xefe Suku Bekora, António da Silva Soares deklara, ema (abitante) hamutuk 12.599 iha Suku Bekora, Postu Administrativu Cristo Rei, Munisípiu Dili, dadaun ne’e seidauk simu programa sesta bázika husi governu.

Maibé, distribui sesta bázika ne'e parte autoridade Suku Bekora mòs informa ona ba governu liuhusi Ministériu Turizmu no Komersiu Industria (MTKI) atubele buka solusaun.

"Ho komfinamentu obrigatóriu, buat ne'e afeta tebes ba populasaun barak iha ha'u nia aldeia hira hanesan foin dadauk hau koalia ona ho vise Ministru MTCI, atu relata kona-ba sasan sesta bázika tanba to'o agora ha'u-nia aldeia 4 ne'ebé mak seidauk simu ne'e hamutuk aldeia hat, ho abitante 12.599”, dehan nia ba www.tempotimor.com iha nia rezidénsia Bekora, domingu (09/05).

Husu governu atu aselera prosesu fahe sesta bázika tanba populasaun suku Bekora presiza hahán.

"Agora sira araskan hahán maibé halo tan estadu emerjénsia, depois foin dadauk iha dia 4 abril, dezastre naturál mosu tan iha Timor-Leste, pois agora ema barak la ba servisu, populasaun afetadu teb-tebes, agora hahán hotu susar”, dehan nia.

Autoridade suku Bekora ne'e garante katak ministru MTCI, dadaun esforsu nafatin la kleur sira sei haree tok, kompaña ne’ebé mak atu fó sasán.

Dadauk aldeia hat ne’ebé ladauk simu sesta bázika mak hanesan Aldeia Klakfuik, Auhun, Bekussii-Kraik, no aldeia Bekussi-Sentru, no totál abitante hamutuk 12.599.

Enkuantu populasaun iha suku Bekora totál 5014, husi abitante hamutuk 22587, ne'ebé mak kompostu husi aldeia Auhun, Bekussi-Kraik, Bekussi-Sentru, Kakeu Laran, Klakfuik, Makoko-Mate, Darlau, Mota Ulun ho Romit. (*)

Rate this item
(0 votes)
Last modified on Sunday, 09 May 2021 12:50
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2021 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter