Ministru ne’e hateten, iha tinan rua oin mai, pozisaun governu nian maka, akompaña nafatin liu husi diálogu, no enkontru ho jestór sira oinsa atu hadia média ne'e ba futuru, maibé bainhira jestór no funsionáriu sira laiha esforsu atu halo buat ruma, opsaun diak liu mak taka tiha tanba muda tiha ba empreza públiku mós problema nafatin.

Ministru ko’alia lia hirak ne'e hafoin enkontru ho prezidente RTTL.EP Francisco da Silva Gari ho nia estrutura tomak iha Salaun Ministériu Transporte no Komunikasaun Caicoli, Tersa (8/12).

"Se labele duni, ita halo diálogu hanesan ne'e, ko’alia-ko’alia nafatin mak la halo mudansa, laiha esforsu ruma, halo atu hadia buat ruma, tempu ida, diak liu taka," nia deklara.

Nia parte mós dúvida oituan tanba servisu RTTL nian, maski governu oferese nafatin osan inklui rekursu no, enkontru halo nafatin ho sira, maibé laiha nafatin rezultadu ne'ebé diak, nune’e nia kestiona katak, seráke ema mak laiha vontade atu halo servisu ho kualidade.(*)