Login to your account

Username *
Password *
Remember Me

SEKoop Sempre “Prontu” apoia Formasaun Hari'i Kooperativa

Sekretáriu Estadu Kooperativa (SEKoop), Elizário Ferreira hatoo hela nia diskursu ba estudante sira iha Departamentu Ekonómia UNDIL iha kintal-boot, sexta (04/12). Sekretáriu Estadu Kooperativa (SEKoop), Elizário Ferreira hatoo hela nia diskursu ba estudante sira iha Departamentu Ekonómia UNDIL iha kintal-boot, sexta (04/12). Foto Tempo Timor

Tempotimor (Díli)- Governu konstitusionál da-ualu, liuhusi Sekretária Estadu Kooperativa (SEKoop) mosu ho polítika ida ne'ebé tau atensaun liu ba seitór produtivu sira liuhusi harii kooperativa hodi dezenvolve ekonomia povu iha nivél lokál.

Polítika ida ne'e, la'ós atu distribui osan ka atu apoia osan, maibé mosu ho hanoin ida oinsá mak bele kondisiona ka tulun grupu kooperativa sira liuhusi fó edukasaun, formasaun no informasaun ba membru sira hodi bele iha sustentabilidade ba futuru.

“Entaun, kona-ba téknika oinsá atu harii kooperativa, atu funsiona kooperativa, oinsá kona-ba lalaok formasaun, iha parte Sekretária estadu kooperativa ne'e odamatan nakloke ba ita-boot sira (estudante), prontu atu bele partisipa husi formasaun, fasilita formasaun ba ita-boot sira, bele kria kooperativa no akompañia ita-boot sira oinsá halo jestaun ida diak atu asegura sustentabilidade institusionál kooperativa nian, asegura estabilidade finanseira no estabilidade ekonómiku no instituisaun kooperativa”, SEKoop Elizário Ferreira hateten ba estudante fakuldade ekonomia iha kampus UNDIL, Kintál-boot, Sesta (04/12).

Nia hatutan, iha governasaun ne’e sei fó importánsia liu ba seitór produtivu, ekonomia no sosiál sira, tanba ida ne'e nu’udár polítika ida atu substitui fali mina, kuandu iha tempu ida nia maran.

Nia dehan, SEKoop iha mós programa importante 6, ida iha relasaun liu ho programa internal SEKoop nian, no programa lima seluk relasaun ho komunidade, sosiedade ho públiku.

“Primeiru loos mak, edukasaun, formasaun no informasaun. Iha kooperativa iha valóres 7, no nia prinsípiu ne'e lima. Ida ne'e bazeia ba deklarasaun internasionál ne'ebé maka hasai iha 1985, entaun ita ko’alia tuir ida ne'e”, nia hateten.

Oras ne’e daudaun, kooperativa iha ona nia módulu hamutuk 168 ne'ebé sai hanesan kuríkulu ka matéria ne'ebé aprova hodi hanorin membru kooperativa, sempre halo beibeik no nafatin, inklui halo auditória ba kooperativa sira atu funsiona nafatin.

“Ida seluk maka kriasaun kooperativa. Iha SEKoop nia planu, kada sub-distritu sei iha kooperativa kréditu ida exelente, ne'ebé mak SEKoop sei akompaña hodi kontinua nafatin sustentável. Iha suku ida sei eziste kooperativa rua, másimu bazeia ba poténsia suku”, nia dehan. (*)

Rate this item
(0 votes)
Last modified on Monday, 07 December 2020 07:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter