Apoia nedesidade bazika ne'e maka, foos, mina, supermi, ne’ebé distribui direita husi Assesor Logistika no Patrimóniu Prezidénsia Repúblika, Joel Cristovão ba populasaun Aldeia Fahilakor Suku Uma-Naruk ema na’in-71, Aldeia Labubu husi Suku Laku Mesak na’in-93, no Suku Laikore na’in-31.

Tanba ne’e, benefisiáriu husi Suku Laku Mesak, Maria "Batu-Leci" hato’o agradese ba apoia aihan hirak ne’ebé mai husi PR.

“Ami agradese tebes ba apoiu ai-hán ne’e labele haree ba ninia kuantidade ituan ka barak, agradese liu ita nia prezidente bele fó apoiu hirak ne’e to’o duni mai ami”, dehan nia hafoin simu apoiu umnitaria husi PR iha Suku Laku-mesak, Domingu (18/12).

Iha fatin hanesan, Xefe Aldeia Raihatu, José da Silva apresia tebes, tanba apoiu ne'e fahe duni ba populasaun ne'ebé moris vulneravel iha sira-nia aldeia.

“Apoiu ne’e lori mai, ami fahe duni ba populasaun sira ne’ebé ami identifika katak, sira mak merese atu simu, tanba haree ba kondisaun moris susar tebes", nia afirma.

Nune’e, hato'o agradese ba PR Ramos-Horta ne'ebé lara di’ak loos hodi lori apoia ne’e to'o kedas área remotas.

Assesor Logistika no Patrimóniu Presidensia Repúblika, Joel Cristovão, haktuir, apoia ne’e Xefe Estadu Ramos-Horta haruka distribui prioridade ba povu ne’ebé hela iha área remotas no la asesu ba eletrisidade, bee moos no estrada.

 “Apoia ne’e fó hosi ita nia prezidente hodi ajuda ama no apa no alin sira bele konsumu durante loron boot natal”, nia hatete.

Apoiu ne’e ekipa la’os fahe iha Laklo de’it, maibé hala’o mós distribuisaun ba benefisiáriu sira iha Aileu, Ermera, Maliana-Bobonaro no família sira ne’ebé ho kondisaun difisiensia. (*)