Nia haktuir, rin eletrisidade ne’e monu, tanba kauza husi rai halai, ne’ebé akontese iha momentu loron 4 fulan-abril tinan 2021, nune’e afeta ba ahi iha Suku Laku Mesak no Suku Hohorai mate total to’o agora.

“Mota sobu to'o agora rin eletrisidade nia lubuk ida monu no rai halo rin eletrisidade lubuk kotu, ahi la lakan to'o agora”, dehan Xefe Suku Laku Mesak, Filomeno Rotrigues Pereira Carçeres iha Suku Laku Mesak, Domingu (18/12).

Tanba, problema rin eletrisidade monu área Malorok-Suku Laku Mesak, Aldeia Nakaleu to'o iha Suku Hohorai aprezenta ona ba Autoridade Munisípiu Manatutu hodi levanta to'o governu sentrál, maibé to’o agora seidauk rezolve.

Pedidu ne’e, husu atu governu sentral deside desizaun ruma hodi haruka ekipa tékniku husi Ministériu Obras Públika (MOP) liliu Institutu Jestaun Ekipamentu (IGE) atu bele koloka ekipamentu pejadu atu hadi'a hikas kondisaun sira ne'e inklui mos dalan no ponte hirak ne’ebé kotu.

Aleinde ne’e, komunidade Maria Batu-Leci hosi Suku Laku Mesak sente triste, tanba sira-nia aldeia to'o agora eletrisidade rin harii ona, maibé intalasaun fiu eletrisidade seidauk to'o sira-nia fatin.

“Ida ne’ebé halo ha’u tristi liu maka to'o agora eletrisidade seidauk lakan, udan tinan kotuk halo rin eletrisidade monu hotu ahi la lakan to'o agora, ami sei terus mos ba bee moos araska tebes ba ami”, nia esklarese.

Nune’e, Xefe Aildeia Raihatu, José da Silva mós husu ba governu tau konsiderasaun ba problema ne’ebé povu enfrenta atu bele fo solusaun. (*)