Login to your account

Username *
Password *
Remember Me

Horta Kontente EDTL Esplika Progressu no Polítika Poupansa

Prezidente Konsellu Administrasaun EDTL.ep, Paulo da Silva. Prezidente Konsellu Administrasaun EDTL.ep, Paulo da Silva. Foto Suplay

Tempotimor (Dili)-Prezidente Repúblika (PR), Jose Ramos Horta, sente kontente bainhira rona esplikasaun husi Membru Konsellu Administrasaun Eletrisidade de Timor-Leste, empreza públiku (EDTL.ep) kona-ba progressu servisu no polítika poupansa ne'ebé sira implementa.

“Ohin mai relata ba PR, progressu sira ne'ebé ita halo e inisiativa sira ne'ebé ita iha, para bele mellora di'ak liután servisu eletrisidade ninian, relata mós ba sua eselénsia kona-ba popupansa ne'ebé EDTL, EP halo depois de tranforma husi diresaun jerál. M prinsipiu, sua eselénsia Prezidente kontente ho servisu sira ne'ebé mesmu iha dezafiu, obstákulu barak mais nia kontente ho progressu ne'ebé iha”, dehan Prezidente Konsellu Administrasaun EDTL.ep, Paulo da Silva iha Palásiu Prezidensiál, kuarta (05/10).

Tanba progressu sira ne'ebé EDTL iha, mak kontinua rekolla reseita nomós halo kobertura ba populasaun sira ne'ebé seidauk asesu ba enerjia eletrika.

“Nomós inisitva sira kona-ba planu enerjeia alternativu ne'ebe ita atu halo, estudu sira ne'ebé iha para depois haree oinsá mak bele hatun kustu produsaun ne'e rasik, entaun hanoin sira ne'e mak ohin relata ba PR”, dehan nia.

Maibé husi projetu eletrifikasaun ne'ebé dadauk EDTL promove hamutuk 114  ba suku sira, ida-ne'e konsege aplika poupansa ho valór orsamentu $17.8, kompara ho istimasaun BoQ sira uluk ne'ebé EDTL promove.

“Se kompara ho ida ne'eba ita poupa $17.8 millaun tanba ita halo tender, se ita la halo tender ita tenke gasta tan $17.8 millaun ne'e entaun ne'e progressu ne'ebe ita iha”, esplika nia.

Nune'e iha mós poupansa seluk mak kona-ba kontratu operasaun no manutensaun ba rede transmisaun ninian, uluk kuaze halo ajudikasaun direta de'it ba kompaña sira ne'ebé halo servisu ida-ne'e, nune'e fulafulan estadu tenke selu rihun $700.

Maibé oha tinan 2021 EDTL,ep lansa konkursu ba kontratu ne'e konsege poupa tun ba rihun $400 resin kada fulan, ida-ne'e mak poupansa ne'eb’e EDTL halo.

Nune'e Xefe Estadu mos husu EDTL atu kontinua mellora di'ak liután servisu, hadi'a kualidade fornesimentu, nomós harre oinsá hatun presu eletrisidade ne'e rasik.

“Entaun EDTL sei haree halo ezersisiu para refleta rekomendasaun sira ne'ebé na'in prezidente hato'o”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter