Iha fatin hanesan, Embaixadór Indonézia ba Timor Leste, Okto Dorinus Manik, mós agradese ba partisipasaun Prezidente Repúblika, José Ramos-Horta, PM Xanana, membru governu no povu Timor-Leste hodi harame eventu ne’e.
Eventu “Indonesia Cultural Performans & Night Market” inklui eventu “Pertamina Internsional Road Race” ne’ebé halo selebra loron FALINTIL ba dala 48 iha Tasi Tolu Dili foin lalais ne’e hodi komemorasaun loron Proklamasaun Independensia Indonézia ba dala 78, iha Dili Timor Leste.
KBRI Dili organiza mós festival promove kultura tais trasionál husi Indonézia nian tomak inklui konvida mós artisipa Artista husi Kupang, Ambon Indonézia, Toton Caribo no Justy Aldrin hamutuk ho artisipa Timoroan sira harame konsertu muzika ne’e hodi anima povu sira.
Entretantu, durante eventu ne’e, PM Horta no PM Xanana ho Embaixadór Okto Dorinus hala’o fahe mós premiu ba manan nain sira no vizita ba fatin Night Market hodi sosa sasán nesidade baziku, aihan fahe ba populasaun inklui labarik sira.
Iha oportunidade ne’e, populasaun wain, feto, mane no labarik too ferik no katuas ho kontente aproveita tempu osan mean ne’e hasai fotografia ho lider nasionál rua ne’e hanesan momentu importante ida ba sira hotu- hotu. (*)