“Ohin mai hasoru Prezidente, ko'alia kona-ba investimentu iha rai laran ne'e, tanba ita presiza kria indústria atu oinsá mak fó servisu ba ita-nia ema iha Timor laran”, dehan Embaixadór Timor-Leste ba Brunei, Abel Guterres iha Palásiu Prezidensiál Bairo Pite, segunda (22/08).

Dadauk prosesu kordenasaun la'o hela, no enkontru ho Xefe Estadu ida-ne'e mós hanesan liafuan ki'ik de'it ba fó hatene hela ba Xefe Estadu no ida-ne'e sei la ko'alia barak.

Kona-ba planu Investimentu ida-ne'e dahuluk mak loke fábrika, Turizmu, Otel no bainhira prosesu hotu la'o, mak ida-ne'e sei sai hanesan festeza ida ba joven sira atubele servisu.

“Investimentu iha industria oioin hanesan halo fábrika, turizmu, Otél para fó servisu ba ema atu halo servisu iha Otél, iha restaurante, iha fábrika para halo halo roupa. Indústria sira-ne'ebe bele tau ema barak para servisu, ida-ne'e mak ita presiza”, hatete nia.

Kona-ba investimentu hamutuk hira, no bainhira mak bele ejiste, ida-ne'e presiza liuhusi prosesu naruk tanba investimentu ida sé hakarak ohin kedas hari'i ida-ne'e imposivel, tanba buat hothotu la’o tuir prosesu. (*)