Tuir informasaun ne’ebé www.tempotimor.com, asesu iha pájina BTL, sábadu (20/08) katak, objetivu husi enkontru ne'e ekipa COWI aprezenta Team líder foun ne'ebé sei halo servisu iha Timor-Leste.

Aleinde ne'e, ekipa COWI mós husu ba BTL, E.P, kona-ba planu mestre iha munisípiu sira mak hanesan Aileu, Likisá, Ermera, Covalima, Ainaro no Bobonaro nian, nomós sa-ida mak COWI bele kontribui.

Iha oportunidade ne’e, Prezidente K.E BTL, E.P, Carlos Peloi informa katak, relasiona ho planu mestre ba munisípiu neen, kona-ba nia finansiamentu ba Detailed Engeneering Design (DED), husi Banku Mundiál, maibé COWI bele apoia mak iha reasentamentu no ba estudu impaktu ambientál.

Iha diskusaun ba asuntu hirak ne’e, parte rua iha ona konkordánsia atu lori ba Steearing Committee, ne’ebé lidera husi Vise Primeiru Ministru, José Reis atu foti desizaun ba asuntu ne’e. (*)