Login to your account

Username *
Password *
Remember Me

BTL ho Banku Mundiál Diskute WSP ba Munisípiu Rua

Prezidente Komisaun Ezekutiva Bee Timor-Leste Empreza Públika (BTL, E.P), Carlos Peloi dos Reis. Prezidente Komisaun Ezekutiva Bee Timor-Leste Empreza Públika (BTL, E.P), Carlos Peloi dos Reis. Foto Suplay

Tempotimor (Dili)-Prezidente Komisaun Ezekutiva Bee Timor-Leste Empreza Públika (BTL, E.P), Carlos Peloi dos Reis, akompaña husi Diretór husi Diresaun Enjeñaria no Investimentu (D.E.I) no Programa Jerensiamentu Unidade (PMU) BTL, E.P hala’o enkontru ho reprezentante husi Banku Mundiál, ne’ebé hala’o servisu kona-ba Water Supply Project (WSP) ba munisípiu Baukau no Díli nian.

Tuir informasaun ne’ebé www.tempotimor.com, asesu iha pájina BTL, segunda (14/08) katak, enkontru ne'ebé hala'o iha edifísiu sentrál BTL, E.P, Kaikoli, ho objetivu hodi atualiza no diskute kona-ba prosesu tomak husi Water Supply Project ba munisípiu Baukau no Díli nomós fundus hodi finansia projetu refere.

Durante enkontru, parte rua  diskute kona-ba Water Supply Project ba Baukau no Dili nian, ne’ebé to’o ohin loron seidauk implementa, nomós kona-ba mudansa orsamentu, tanba valór fundus iha akordu diferente ho valór ne’ebé eziste iha dezeñu nian.

Relasiona ho kestaun ne’e, Prezidente BTL, E.P, Carlos Peloi hatete, projetu refere seidauk bele implementa, tanba daudaun ne’e, sei iha hela prosesu Dezeñu Detallada (Detailed Engineering Design-DED) no balun prosesu DED finaliza ona, maibé sei kontinua ba faze tuir mai, molok tama faze implementasaun.

Ba prosesu DED kona-ba Water Supply Project ba munisípiu Baukau nian remata ona no entrega ona mai BTL, E.P, daudaun ne’e BTL, E.P sei prepara hela karta aprezentasaun atu lori ba Ajénsia Dezenvolvimentu Nasionál (ADN) hodi halo verifikasaun, hafoin verifikasaun sei kontinua fali ba faze seluk hanesan ba aprezenta iha Konsellu Administrasaun Fundu Infra-estrutura (KAFI) no faze aprovizionamentu no faze sira seluk molok implementa projetu refere.

Enkuantu Water Supply Project ba Dili nian, daudaun ne’e sei iha prosesu DED no tuir planu prosesu ne’e, sei finaliza iha fulan-ne’e nia laran, hodi kontinua ba faze sira seluk.

Entretantu prosesu DED kona-bá Water Supply Project ba Munisípiu Baukau nian, responsabiliza ou hala’o husi konsultór hosi Água de Portugal-AdP no kapitál Díli nian mak responsabiliza hosi konsultór Dongsung husi Korea. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter