Login to your account

Username *
Password *
Remember Me

Autoridade RAEOA Lansa Exportasaun Produtu Kutulak ba Indonézia

Kutulak ne'ebe prepara hodi esporta ba Indonezia. Kutulak ne'ebe prepara hodi esporta ba Indonezia. Foto Suplay

Tempotimor (Dili)-Autoridade Rejiaun Administrativu Espesiál Oekussi Ambeno (RAEOA) hahú halo lansamentu ba exportasaun daruak Kutulak hamutuk 20 tonelada ba Indonézia liuhusi Fronteira Sakato.

Tuir informasaun ne’ebé www.tempotimor.com, asesu iha pájina ZEEMS TL, segunda (14/08) katak, Sekretária Rejionál Adjunta Prezidente Autoridade Asuntu Reforsu Institusionál, Leonia da Costa Monteiro, ho Sekretáriu Rejionál Adjuntu Prezidente Autoridade Asuntu Sosiáis, Maximano Neno, akompaña husi Sekretáriu Rejionál Asuntu Administrasaun, Martinho Abani Elu, Sekretáriu Rejionál Asuntu Agrikultura, José Eta, no Sekretáriu Rejionál Asuntu Komérsiu Pedro da C. B. da Silva, halo lansamentu ba exportasaun daruak Kutulak.

Sekretária Rejionál Adjunta Prezidente Autoridade Asuntu Reforsu Institusionál, Leonia da Costa Monteiro hatete, parabéns ba kompaña lokál tanba iha inisiativa rasik hahú halo produsaun rasik halo exportasaun ba Indonézia.

“Exportasaun produtu Kutulak ne'e ba daruak nian maibé ha'u fiar katak iha prosesu ida-ne'e iha kooperasaun di'ak ho diresaun kuarentina no alfándega mak ohin loron bele realiza lansamentu ba exportasaun daruak produtu Kutulak 20 tonelada ba Indonézia, hein katak exportasaun lapara iha-ne'e de'it maibé sei kontinua tanba inisiativa kriasaun forum Bussines kompromete ba malu ona entre RAEOA ho NTT-Indonézia”, dehan nia.

Kona-ba polítika ne'e, laliu fulan no tinan bele hahú ona implementa, ida-ne'e hatudu katak progresu di'ak no fó elójia ba produtu Kutulak ne'ebé maka sira rasik husu hodi halo exportasaun ba Indonézia ne'e hatudu katak progresu di'ak ida tanba foin ukun-an tinan 20 maibé hahú ona halo exportasaun.

Tanba ne’e, iha tempu badak tan grupu sira sei lori produtu lokál atu partisipa iha festival ida iha Kefamananu husu atu mantein kualidade produtu nune'e bele konsidera.

Nune’e agradese ba Alfándega no Kuarentina atu kria kooperasaun di'ak hodi bele fasilita di'ak liután prosesu ida iha fronteira.

Repzentante Kompaña OQUI MOLO m’os agradese ba Autoridade nia polítika hodi buka dalan ba Kompaña lokál sira bele hala'o negósiu tuir dalan legal nian.

Tanba sira hanoin liuhosi autorizasaun ne’e bele ona reduz atividade ilegál nian maibé presiza tau atensaun ba kestaun balun kona-ba inspesaun nian dala ruma mak fó impedimentu ba prosesu iha fronteira. Ba Kutulak ne'ebé atu exporta hamutuk tonelada 20 no kada saku ida hamutuk kilograma 40. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter