Vise Ministru Komérsiu Indústria Halo Enkontru Bilateral Ho Prezidente KOICA

By Tempo Timor August 16, 2022 521

font size decrease font size increase font size
Print
Email

Vise Ministru Komérsiu no Indústria (VMKI), Domingos Lopes Antunes, kaer liman Hela ho Prezidente Kooperasaun Internasional Koreanu ba Dezenvolvimentu (KOICA), Hyuk-Sang Sohn. Foto Suplay

Tempotimor (Dili)-Vise Ministru Komérsiu no Indústria (VMKI), Domingos Lopes Antunes, ho delegasaun Timor-Leste iha ambitu Forum Ministru Komérsiu nian “2022 Forum Economic Ministries Meeting” iha Port Vila, Repúblika Vanuatu, halo enkontru bilaterál ho Prezidente Kooperasaun Internasional Koreanu ba Dezenvolvimentu (KOICA), Hyuk-Sang Sohn ho nia ekipa ko’alia kona-ba asisténsia téknika KOICA nian iha área ekonomia iha Timor-Leste.

Tuir informasaun ne’ebé www.tempotimor.com, asesu iha pájina MTKI, tersa (15/08) katak, Vise Ministru Domingos agradese KOICA nia apoiu resente ba apoiu joven sira iha area empreendimentu liuhusi projetu YEES.

Vise Ministru mós halo pedidu ba Prezidente KOICA atu apoiu projetu asisténsia téknika ida ba apoiu setór enerjia renovável ka solar painel ba setór privadu liliu mikro pekenas no media empreza sira iha Timor-Leste.

Prezidente KOICA sente kontente hasoru Vise Ministru iha forum ministru ne’e, no kompremete kontinua apoiu Timor-Leste nia dezenvolvimentu, liliu promove inisiativa enerjia renovável apoiu setór privadu sira iha rejiaun Pasifiku.

Prezidente KOICA mós dehan SAMSUNG Korea nian iha interese boot atu apoiu Dezenvolvimentu Ekonomia Timor-Leste nian. (*)

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com