Login to your account

Username *
Password *
Remember Me

TL ho Indonézia Asina MoU ba Kooperasaun Tékniku iha Setór Komérsiu

Ministru Turizmu Komérsiu no Indústria José Lucas do Carmo da Silva, asina hela akordu. Ministru Turizmu Komérsiu no Indústria José Lucas do Carmo da Silva, asina hela akordu. Foto Suplay

Tempotimor (Dili)-Governu Timor-Leste (TL) liuhusi Ministru Turizmu Komérsiu no Indústria José Lucas do Carmo da Silva no Xefe Ajénsia Nasionál Normalizasaun (Badan Standarisasi Nasional), Kukuh S. Achmad asina Memorandu Entendementu (MoU) iha fatin lahnesan kona-ba kooperasaun iha tékniku komérsiu nian.

Tuir informasaun ne’ebé www.tempotimor.com, asesu iha pájina MTKI, kinta (21/07) katak, kooperasaun ekonómia entre nasaun rua presiza apoiu liuhusi fasilitasaun tékniku ba komérsiu iha área padronizasaun, tuir avaliasaun no metrolojia.

Tanba ne’e, atu kontinua reforsa kooperasaun entre nasaun rua liuhusi Ajénsia Nasionál Normalizasaun (Badan Standardisasi Nasional) ho Instituto Qualidade de Timor-Leste (IQTL,IP).

Ho Memorandu Entendentu ne’e asina iha ámbitu vizita estadu husi Prezidenti Repúblika, José Ramos Horta ba Indonézia hodi hasoru ho nia omólogu Joko Widodo.

Objetivu husi Memorandu Entendementu atu haforsa kapasitasaun ba área tékniku komérsiu nian iha instituisaun sira ministériu Turizmu, Komérsiu no Indústria ho nia entrepreneur’s sira, alende ne’e suporta implementasaun kona-bá komérsiu mundiál nian.

Nune’e haforsa kooperasaun kona-ba promosaun ba produtu entre nasaun rua nian iha merkadu internasionál.

Hafoin asina Memorandu Entendementu, Ministru José Lucas do Carmo da Silva informa, akordu kooperasaun ne’e importante no benefisia tebes ba Timor-Leste nu’udar nasaun viziñu.

“Memorandu Entendementu ne’ebé mak asina entre Governu rua importante tebes atu haforsa kapasidade tékniku nia iha área komérsiu entre nasaun rua, tanba ne’e ita presiza tebes estende akordu ne’e. Tanba ne’e ba oin sei iha varias atividade ho prioridade importante atu hasa’e kapasidade iha área refere, posibilidade bele implementa iha Timor-Leste no iha indonézia”, hatetet Ministru José Lucas.

Enkuantu iha área kualidade nian, tanba Timor-Leste Instituisaun Qualidade Timor-Leste IQTL, IP, iha faze foin estabelese, tanba ne’e presiza hala’o kooperasaun ho nasaun seluk, liliu nasaun viziñu Indonézia.

Tuir dadus komersu entre nasaun rua, iha tinan tolu ikus (2019-2021) nomeadamente hatudu eksedente eksportasaun ho valór ne'ebé as tebes, tanba ne'e tuir Xefe Ajénsia Normalizasaun Nasional, Kukuh S. Achmad katak presiza iha kooperasaun entre instituisaun rua.

“Ami haree IQTL iha potensial ne'ebé boot tebes nu’udar parseiru kooperasaun iha área tékniku liliu dezenvolvementu tuir padraun ba avaliasaun normalizasaun nian”, hatete Xefe Ajensia BSN.

Ba Memorandu Entendementu nu’udar faze kontinuasaun ne’ebé asina ona husi Governu anterior iha loron-15 fulan-agostu tinan-2020. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter