Login to your account

Username *
Password *
Remember Me

Governu Prevee Billaun $1 Rezolve Problema Veteranu Pendente

Osan dolar Amerika ne'ebe Timor-Leste durante ne'e utiliza. Osan dolar Amerika ne'ebe Timor-Leste durante ne'e utiliza. Foto Suplay

Tempotimor (Dili)-Ministru ba Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo informa, dadaun ne'e Governu daualu prevee ona orssmentu fundu veteranu ho montante billaun $1 atu rezolve problema veteranu sira ne'ebé mak pendente hela.

“Tanba ne'e mak Governu tau billaun ida, atubele haree filafali sira ne'ebé mak lahetan solusaun, liliu Zero a Três e Quatro a Sete (0 a 3 no 4 a 7)”, dehan Ministru Francisco wainhira hala'o diálogu ho komunidade Suku Bobometo, RAEOA, kuarta (20/07).

Maske problema veteranu sai nu’udar preokupasan boot husi komunidade Bobometo maibé husu atu presiza mós buka hatene informasaun sira, atubele haree, no labele dehan naran la sai ona la'e, tenke nafatin kontaktu ho Prezidente Konsellu Veteranu, atu haree tanba saida mak naran la sai.

Husu mós ba komunidade sira atu labele rekoiñesimentu ba ema ruma ne'ebé mak hakarak falsifika dokumentu no politiza problema veteranu ne'e.

Tanba veteranu ne'e aset povu no estadu Timor-Leste nian no la'ós partidu ida-nian hodi uza fali ba interese partikular.

“Veteranu ne'e povu no Estadu Timor-Leste ninian, labele politiza ba fali Partidu. Kuandu ita politiza ne'e mak dala-ruma ita haree fali ema balun, ita lakohi fó rekoiñesimentu ba nia, ita fó fali ba ema seluk, ita husu dehan o mai hamutuk ho ha’u, ha'u fó ba o, ne'e mak orsida mosu fali hanesan balun hatete katak mosu fali balun ne'ebé loloos la merese, hetan fali ida-ne'e, balun ne'ebé merese laiha fali”, esplika nia.

Nune'e husu hothotu tenke ho hanoin ida katak nasaun ne'e ema hotu nian, no serví nasaun ne'e tuir dalan ne'ebé loos, maibé la servi nasaun ba interese partikular.

“Ita servi nasaun ne'e ba ema hotu nian. Tanba-ne'e dala ida-tan, atu hatete iha-ne'e dehan tian, ita-boot nia problema ita-boot bele mai nafatin ko’alia, husu ba Prezidente Konsellu Veteranu, Sekretáriu Estadu ohin dehan ona, se sira labele rezolve, lori dokumentu ne'e ba Sekretáriu Estadu Veteranu nian, para haree tanba saida”, informa nia.

Komunidade Suku Bobometo, Agustino Neno hatete, nia parte sente ladún satesfas tanba ohin loron ema ne'ebé foinsa'e mak iha oin hodi trata dokumentu Veteranu no katuas sira iha fali kotuk.

“Iha 1999, ami rona informasaun ne'e oin seluk, ema iha ai-laran, tiru, hetan 8-14 x e tama kadeia mós hetan 8-14, mais ohin loron ida-ne'e ha'u rona fali dehan ita hothotu halo surat, e labarik sira foinsa'e ne'e sira halo ami haree de'it. Segundu mak ami mak kontrola segundu liña ami liu tiha ona, mais ikus ne'e ami iha kotuk, haree labarik sira iha oin”, dehan nia.

Ho ida-ne'e husu ba Governu atu haree situasaun ne'e tanba deskonfia buat ruma laloos ema sira ne'ebé simu no trata dokumentu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter