Tuir informasaun ne’ebé www.tempotimor.com asesu iha pájina SEA, kuarta (01/06) katak, Sekretáriu Estadu Ambiente, Demetrio do Amaral de Carvalho hatete, banhira sidadaun sira sunu rai no estraga ai-horis sira sei estraga biodiversidade sira iha rai laran.
“Se ohin ita sunu rai, tesi ai estraga ita-nia Biodiversidade sira, ita sei husik hela de’it malisan ba ita-nia futuru jerasaun sira, tan ne’e ita fó ba jerasaun sira amijade forte ba ita natureza hodi kuda ai hodi hametin Natureza”, dehan Demetrio.
Tanba ne’e, husu ba Povu suku Dare atu kuda ai beibeik iha uma tatis iha toos laran, labele hein de’it loron boot mak kuda ai oan tanba dada iis loroloron husi natureza ne’ebé fó anin di’ak ba moris.
Komemorasaun loron Biodiversidade refere ho tema internasionál mak " Building a Share Future For All life ‘(Hamutuk Hari’i Moris ba Futuru) no Tena Nasional ‘Habali Biodiversidade hodi kontribui ba Desenvolvemento Sustentavel’.
Iha seremónia komemorasaun ne’e Kompaña International Heineken liuhusi Country Director fahe aku verde hodi apoio ba populasaun iha Suku Dare nomós ba funsionáriu SEA ne’ebé marka prezensa.
Iha komemorasaun ne’e prezensa husi Vise Ministru MAP, Sekretáriu Jerál Komisaun D Parlamentu Nasionál, Pprezidente Autoridade Munisipál Dili, Xefe Suku Dare, Country Director Heineken, DGA nomós Diretár Nasionál sira. (*)
