Login to your account

Username *
Password *
Remember Me

MOP ho BNCTL Ko’alia Fasilita Krétidu ba Empreza Lokál

Ministru Obras Públikas (MOP), Abel Pires da Silva, dada lia hela ho Prezidente Konsellu Diretivu Banku Nasionál Komérsiu Timor-Leste (BNCTL), António Francisco Vitór, ho ekípa sira. Ministru Obras Públikas (MOP), Abel Pires da Silva, dada lia hela ho Prezidente Konsellu Diretivu Banku Nasionál Komérsiu Timor-Leste (BNCTL), António Francisco Vitór, ho ekípa sira. Foto Suplay

Tempotimor (Dili)-Ministru Obras Públikas (MOP), Abel Pires da Silva, hetan vizita servisu husi Prezidente Konsellu Diretivu Banku Nasionál Komérsiu Timor-Leste (BNCTL), António Francisco Vitór, ho ekípa hodi ko’alia kona-ba servisu hamutuk entre BNCTL ho MOP hodi fasilita kréditu ba empreza lokál sira.

Tuir informasaun ne’ebé www.tempotimor.com asesu iha pájina MOP, kuarta (01/06) katak, enkontru ne’ebé halo iha gabinete MOP, Kaikoli, Dili, tersa (30/05), ko’alia liu kona-ba servisu no apoiu BNCTL nian hodi fasilita kréditu finanséiru ba seitór privadu ka empreza lokál sira hodi finansia projetu infraestrutura nian iha rai-laran.

Tanba BNCTL hanesan banku estatál Governu nian prontu apoiu no servisu hamutuk ho Governu liuliu Ministériu Obras Públika fasilita kréditu ba empreza lokál sira hodi hadi’ak ekonomia iha rai-laran.

Iha oportunidade ne’e, Ministru Abel mós agradese tanba hetan vizita husi BNCTL no presiza duni servisu hamutuk hodi fasilita empreza lokál sira asesu ba kréditu iha BNCTL hodi hasa’e kapasidade finanseiru empreza sira-nian iha ezekusaun projetu sira.

Enkontru ne’e partisipa husi membru konsellu BNCTL nian, Diretór Nasionál Aprovizionamentu (DNA), Dionisio B. da Silva Guterres, no ekipa husi BNCTL. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter