Login to your account

Username *
Password *
Remember Me

SEKOOP Kapasita Grupu Kooperativa 13 iha Baukau

Xefe departementu peskiza baze de dadus, José Alarico Santos Lopes, ko'alia hela ba mídia iha salaun apuramentu Baukau, kuarta (01/06). Xefe departementu peskiza baze de dadus, José Alarico Santos Lopes, ko'alia hela ba mídia iha salaun apuramentu Baukau, kuarta (01/06). Foto Tomas Freitas

Tempotimor (Baukau)‐Sekretáriu Estadu no Kooperativa (SEKOOP) kapasita grupu kooperativa hamutuk 13, kona-ba kontabilidade nian iha Munísipiu Baukau.

Xefe departementu peskiza baze de dadus, José Alarico Santos Lopes, hatete, husi formasaun ne’e, atu eleva grupu kooperativa sira nia koñesementu, tanba barak seidauk hetan formasaun kona-ba kontalibidade nian.

Nune'e, liuhusi formasaun refere, grupu kooperativa sira bele ona halo relatóriu mensál ho anúal nian hodi relata ba autoridade lokál inklui SEKOOP rasik.

"Sira hetan formasaun báziku para estabelese sira nia kooperativa, oinsá atu jere sira nia finanseira, jestaun hirak ne'e, tenke liuhusi prosesu kontabilidade kooperativa nian, entaun formasaun ida ne'e ba sira kooperativa ne'ebé sira jere bele uza ona sistema kontabilidade," dehan nia iha salaun apuramentu Baukau, kuarta (01/06).

Partisipante, husi kooperativa multi setóral Roman Furak Fatumaka, Joanina de Araujo Monteiro, sente kontente ho formasaun, tanba bele kapasita ona husi área kontabilidade nian oinsá atu halo relatóriu hodi relata ba nasionál.

"Formasaun ne'e impotante, tanba ami nu’undar foinsa'e kapasita ami oinsá sai dirijente ba kooperativa nian, tanba ne'e oportunidade ida mai ami," nia hatete

Husu ba parte SEKOOP atu nafatin kapasita kooperativa sira iha teritóriu nasionál, inklui suporta foinsa'e sira atu harii kooperativa, tanba iha vantajem maneja no hatauk ema atu deve osan.

"Kooperativa ne'e impotante, tanba hanorin ita maneza osan no rai osan, i hanorin ita mós tauk atu deve," nia akresenta

Entretantu SEKOOP kapasita grupu kooperativa sira iha Munísipiu Baukau hamutuk 13 durante loron 5. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter