Ministru Prezidensia Konsellu Ministru, Fidelis Leite Magalhães hatete, Projetu Dekretu-Lei kona-ba Kooperativa komersializasaun nian. Diploma ne’e atu estabelese rejime jurídiku espesífiku ba kooperativa komersializasaun nian.
Iha Projetu Dekretu-Lei kona-ba Kooperativa agríkola sira. Diploma ne’e atu fó espresaun legál ba tendénsia atuál no futura sira kona-ba alargamentu husi área tradisionál intervensaun nian kooperativa agríkola sira.
Nune’e mós Projetu Dekretu-Lei kona-ba Kooperativa peska sira. Diploma ne’e atu fó kuadru legál ida ne’ebé kompletu liu ba kooperativa peska nian sira, ne’ebé bele permite dezenvolvimentu peska sira iha Timor-Leste.
Iha Konsellu Ministrus ne’e, aprova projetu dekretu-Lei kona-ba altersaun Dahuluk ba Dekretu-Lei nu. 16/2004, loron 1 fulan-outubru, ne’ebé aprova ona Lei Kooperativa nian sira, ne’ebé aprezenta husi Ministru Koordenadór Asuntus Ekonómikus, Joaquim Amaral.
“Ho alterasaun dahuluk ba Dekretu-Lei ne’e, introdús ona alterasaun balu ne’ebé bele sai nu’udar insentivu ida ba setór ne’e, tanba kooperativa sira importante tebes ba dezenvolvimentu ekonómiku Nasaun nian”, esplika Ministru Fidelis, iha Ministériu Finansas, kuarta (01/06). (*)