"Ami nia reseita ne'ebé hatama ba kofre estadu durante fulan-4, Janeiru to'o Abríl, ema ne'ebé mak diresaun transporte públiku hamutuk 4.018, nia orsamentu US$ 57.013,50 sentavós," dehan Diretór DTT Baukau, Roberto da Cruz, kuarta (11/05).
Reseitas ne'e, kompostu husi rejistu nian, lisensa tranjektu, lisensa kondusaun inklui ispeksaun.
"Iha Janeiru ema ne'ebé mai 1.561 ho nia orsamentu US$22.340.00, Fevreiru nian iha ema 919 nia orsamentu US$13.910.00, ba Marsu ema 864 ho nia orsamentu US$12.850.00, ba Abríl agora dadaun iha ema 574 ho nia orsamentu US$7.913.50," nia afirma
Kada fulan DTT Baukau, kontínua hatama reseitas ba kofre estadu, maibé nafatin prekupa ba ékipamentus hanesan armáriu tau dokumentus kliente nian.
"Komputadór, meza kadeira sira haruka ona mai, maibé armáriu ba dokumentus mak seidauk iha, maibé ami nia pedidu sei ba," nia hakotu (*)