Login to your account

Username *
Password *
Remember Me

DNTT Baukau Rekolla Reseita US$151.846 ba Kofre Estadu iha 2022

Diretór DNTT Munisípiu Baukau, Roberto da Crus. Diretór DNTT Munisípiu Baukau, Roberto da Crus. Foto Tomas Freitas

Tempotimor (Baukau)-Diresaun Nasionál Transporte Terestre (DNTT) Munisípiu Baukau konsege, rekolla reseita hamutuk US$151.846 ba kofre estadu durante tinan 2022 nia laran.

"Totál orsamentu ba tinan-2022 nian, ema ne'ebé ami hasoru hamutuk rihun 10.990, ho nia orsamentu ne'ebé ami hatama iha kofre estadu hamutuk rihun US$151.846", relata Diretór DNTT Munisípiu Baukau, Roberto da Cruz iha kna'ar fatin, Kuarta (11/01).

DNTT Baukau rekolla reseita iha fulan-janeiru hamutuk US$22.340, fevreiru iha US$13.910, marsu iha US$12.850, abril iha US$7.913,50, maiu iha US$8.130, juñu iha US$8.430, jullu iha US$19.910, augusto iha US$14.325, setembru iha US$14.302,50, outumbru iha US$10.937,50, novembru iha US$9.265, no fulan-dezembru  iha US$9.532,50.

DNTT Baukau rekolla osan hirak ne’e husi inspesaun ba karreta no motor, tranjektu públiku, karta kondusaun ba karreta no motor, inklui rejistu foun.

"Husi fulan hira ne'e, fulan janeiru taxa sa'e, tanba iha tinan-2021 situasaun covid-19, entaun balun la mai selu, nune'e iha janeiru tinan-2022 ne'e mak sira mai selu, renova, multa entaun taxa sa'e", nia informa

Alende ne’e, apela ba motorista sira iha Baukau ne'ebé husi tinan-2014 to'o tinan-2022 fulan-augustu rejistu ba karta kondusaun nian mak dadaun sei uza karta kondusaun provisóriu, bele hakbesik aan ba diresaun DNTT Munisípiu, hodi foti karta kondisaun orijinal, tanba dadaun iha ona blanku ba karta kondusaun orijinal.

Enkuantu ba motorista ne'ebé hahú rejistu ba karta kondusaun nian husi fulan-setembru tinan-2022 to'o agora, DNTT seidauk bele fó karta kondusaun orijinal, tanba blanku la to'o, maibé sei kontinua esforsu hodi rezolve.

"Karta kondusaun blanku iha ona, ami simu husi diresaun nasionál 4000 mak agora iha ne'e, atu atende ba husi tinan-2014 nian mai to'o tinan-2022 fulan-augostu, ami buka meios atu rezolve", nia dehan.

Maibé, DNTT Munisípiu Baukau iha printer ida de'it, nune'e loron ida obrigadu tenke atende de'it ema na'in-50.

"Printer mak ida de'it, entaun kada loron ami atende ema na'in-50, karik kolega sira mai forma to'o loraik mós dala ruma la atende, konsekuensia mak nune'e", nia argumenta. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter